Hosea 13:13 - Hawaii Pidgin Bible

¹³ Da Efraim peopo hurt jalike one wahine born one bebe. But da bebe no like come outa da muddah!

Hosea 13:13 ပူးပေါင်းရင်းမြစ်များ

2 Kings 19:3

Dey tell Isaiah, “Dis wat Hezekiah tell: Us stay supa presha out today an hard time us get! Da One In Charge stay punish us guys. Us come shame in front da odda peopos! Az jalike one bebe goin born, but da muddah not strong enuff fo born um.

Songs 48:6

Real fas dey come all sked an shaking, Jalike one wahine Dat start fo born one bebe!

Smart Guys 22:3

Da akamai kine peopo see Someting bad goin happen, An dey go hide. But da peopo dat donno notting An easy fo bulai dem, Dey keep going, An bumbye, dey pay da price.

Isaiah 13:8

Dey stay real sked an lose fight. Dey feel sore inside, an no can keep still Jalike one wahine dat goin born one bebe. Dey look at each odda An dea face stay all red from da fire, Cuz Babylon town stay burn!

Isaiah 21:3

Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Isaiah 26:17

Us guys stay jalike one wahine Az time awready fo born one bebe, Den her move aroun an yell Cuz her stay real sore. Dass how we wen stay cuz a you, Da One In Charge.

Isaiah 37:3

Dey tell Isaiah, “Dis wat King Hezekiah tell: ‘Dis one day all us feel all bum out. God stay show dat us guys wen do wrong, an cuz a dat us come shame. Us stay jalike wen one bebe goin born, but da muddah not strong enuff fo born um.

Isaiah 66:9

Yoa God, Da One In Charge, tell: ‘You tink I no goin let dis nation born, Jalike if one wahine start fo born one bebe, An den no let da bebe come?! No way! I da One make her born um, So how come you tink I goin hold her back?! Not even!’

Jeremiah 13:21

You guys wen work hard Fo make da Babylon peopo tink You guys dea frenz. So den! How you guys goin handle bumbye Wen Da One In Charge put dem in charge a you guys?! You guys goin come real sore, Jalike one wahine ready fo born one bebe!

Jeremiah 22:23

You da king dat live inside Lebanon kine palaces, Dat get cedar wood fo make high makamaka. You goin moan plenny wen you start fo hurt, Jalike one wahine wen she born one bebe.”

Jeremiah 30:6

Tink bout dis— You tink one guy can born kids?! Den how come I see ery strong guy Wit his two hand on top his opu, Jalike one wahine dat goin born one bebe?! An erybody face come real white?!

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jeremiah 49:24

“Da Damascus peopo wen lose fight. Dey turn aroun fo run away, An dey no can stop shake. Dey ony tink How dey stay sad inside dem, Jalike one wahine wen she born one bebe.

Hosea 5:4

Da Israel peopo stay do bad kine stuff, An dat make um so dey no come back by me, dea God. Cuz inside, dey ony like fool aroun wit odda gods. Dey donno me, Da One In Charge.

John 16:21

You know, wen one wahine goin born one bebe, she sad cuz she stay suffa. But afta da bebe born, she no tink bout dat no moa. Den she stay good inside cuz one bebe born hea inside dis world.

John 5:4

Cuz you know, sometimes one angel guy from Da One In Charge go down inside da watta an make um move. Afta dat, da firs guy dat go inside da watta, he come good from wateva kine sick he get.]

Jesus Guys 24:25

Paul tell um gotta get um right wit God, do da right stuff, cuz us guys goin stan in front God da Judge bumbye. Den Felix come sked, an he tell, “Nuff awready! Go back inside. Wen I like lissen you moa, I goin tell you fo come one mo time.”

2 Corint 6:2

God tell dis inside da Bible, “I wen hear you at da right time. I wen kokua you, da time I like get you outa da bad kine stuff.” Eh, lissen! Now da right time fo God get you outa da bad kine stuff you stay in!

Rules Secon Time 32:6

You guys figga, az how you goin pay back Da One In Charge. You goin do pilau kine stuff, o wat?! You guys stupid! You guys donno wat fo do! God, he yoa Faddah, He da One wen make you guys, so he own you, He wen make you guys come one solid nation.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!