Hosea 12:8 - Hawaii Pidgin Bible

⁸ Az why da Israel peopo talk big. Dey tell, “Fo shua, I rich! But fo all da tings I wen get from my work, No can find notting bad dat I wen do!”

Hosea 12:8 ပူးပေါင်းရင်းမြစ်များ

Songs 49:6

Dey stay shua dey goin stay okay Cuz dey get plenny powa, An dey talk big Bout how much stuffs dey own.

Songs 52:7

“Check out dis guy! He neva like aks God fo take kea him. He tell, ‘Fo shua I can handle!’ Cuz he get plenny money. He tink he strong, cuz he know He can jam up eryting!”

Songs 62:10

No tink you goin come rich Wen you presha out peopo Fo give you money, O wen you bus um up Cuz dey no give you money, O wen you rip off dea stuffs. An if bumbye you get plenny money, No tink dass da mos importan ting.

Smart Guys 11:1

Wen somebody make da scale go off fo cheat peopo, Dat kine make Da One In Charge sick! But wen dey get da weight right, Dass wat he like.

Smart Guys 30:12

Dey da kine peopo Dat tink no mo notting wrong wit dem. An inside, dey pilau. Dey no let nobody make um come clean inside.

Smart Guys 30:20

An I no undastan dis too: How one wahine can fool aroun behind her husban back, Den jus go bafe fo come clean, An she tink, “Eh, I neva do notting wrong!”

Jeremiah 2:23

“How come you guys tell, ‘Us guys not pilau! We no go pray to da Baal kine gods!’? Try tink how you guys wen ack inside da valley Wea peopo make sacrifice to da odda gods. Try tink wat you guys do ova dea. You guys jalike one wahine camel dat hard up fo find one boy kine camel. You guys run hea an dea.

Jeremiah 2:35

But you guys tell, “Me, fo shua I neva do notting wrong. God no stay huhu wit me now.” But me, God, I da One goin poin finga you guys, Cuz you tell, “I neva do notting wrong.”

Jeremiah 5:27

Dey fill up dea houses wit all kine stuff Cuz dey bulai peopo fo get um. Dis jalike one bird catcha dat fill up cages wit birds. Dey come importan an rich.

Ezekiel 28:5

You know how fo trade stuff real good, So you come mo rich. But cuz you get plenny stuff dat cost plenny, You tink you real high makamaka.’ ”

Hosea 13:6

Wen I wen feed dem, dey get full. Wen dey full, den dey ack high makamaka. Dass how dey foget me.

Hosea 14:1

Hosea tell: “You Israel peopo, come back by oua God, Da One In Charge. All da bad kine stuff you guys wen do, Az wat wen bring you guys down!

Hosea 4:8

“Wen da peopo do bad tings, Dey go bring animals fo sacrifice. Ony den, da pries guys get plenny fo eat. So fo dem, az good wen peopo do wass wrong!

Amos 8:5

You guys, dis wat you tink, aah? ‘Us guys no like wait fo da new moon time Wen da religious kine ceremonies all pau! Cuz us guys like sell food. But no can, till da religious kine ceremonies all pau! An us guys no like wait fo sell da wheat Till da Res Day pau. Us guys goin make uku pile a money, Cuz da measure us guys use, Goin be mo small den suppose to be. We goin take da money from da peopo Fo mo den wat dey suppose to pay. Den, wateva dey buy, We goin jam up da scale too.

Habakkuk 1:16

Az why dey make sacrifice fo dea nets, Jalike da nets was gods. Dey burn incense fo dea nets. Cuz dea nets help dem stay rich An eat da bestes kine food.

Zekariah 11:5

Wen guys buy sheeps, you know, dey goin kill um, an dey no tink dey do someting bad. Da guys dat sell da sheeps tell, ‘Talk good bout Da One In Charge! Cuz now I stay rich!’ Even da guys dat take kea da sheeps, dey no show pity fo da sheeps.”

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”

Malakai 3:13

Da One In Charge tell, “You guys, you talk bad about me!” But you guys tell, “Wot, us guys talk bad about you?! No way!”

Luke 10:29

But da guy like look good, so he tell, “Wat you mean, go all out fo show love an aloha fo erybody?”

Luke 12:19

Den I goin tell, “Eh, fo shua I one lucky guy! I get plenny good stuffs store up fo long time. Az why I can take it easy, an eat an drink an party up!” ’

Luke 16:13

“One worka guy no can do notting, if two boss guys own him same time. Bumbye he goin hate one boss an love da odda boss. He goin do good kine stuff fo one boss an tink bad bout da odda boss. You no can work fo da God dass fo real an da money god.”

Luke 16:15

Jesus tell um, “You da guys dat tell da peopo you do da right kine stuff, but God know how you guys stay inside. Da stuff da peopo tink stay real good, dass da stuff God figga no good.”

Rules Secon Time 8:17

But no go tink lidis: ‘Me, I get all dis rich kine stuff cuz my hand strong an I get powa!’

1 Timoty 6:17

Tell da peopo dat get plenny money hea inside dis world fo no ack high makamaka, an fo no trus all da rich kine stuff dey get. Dey donno how much time all dat rich kine stuff goin stay. Mo betta dey trus God. He give us eryting fo make us stay good inside plenny.

1 Timoty 6:5

Dey erytime make argue wit da kine guys dat get pilau kine mind. Dey donno wass true no moa. Dey ony like do stuff fo God if dey tink dat goin make um come rich.

Jesus Show 3:17

You guys tink, “Me, I stay rich. I get plenny, an no need notting!” Horraz! You guys donno still yet dat you all jam up! You guys no mo face, no mo money, no mo clotheses, an no can see!’