Hosea 12:7 - Hawaii Pidgin Bible

⁷ Da biznis guys use scales dat bulai. Dey like scam peopo real bad an hurt um.

Hosea 12:7 ပူးပေါင်းရင်းမြစ်များ

Start 49:18

Den Jacob pray lidis: “Eh! You Da One In Charge! I stay wait fo you, God, Cuz I know you goin come help me!”

Smart Guys 11:1

Wen somebody make da scale go off fo cheat peopo, Dat kine make Da One In Charge sick! But wen dey get da weight right, Dass wat he like.

Smart Guys 16:11

Da scales you use fo weigh stuff, Fo Da One In Charge, dey gotta be right. Eryting you use fo measure stuff, Az his kuleana.

Isaiah 3:5

Da peopo goin give each odda hard time, Fren agains fren. Da young guys goin make any kine to da ol guys Jalike dey own dem an dey hate dem. Da guys dat erybody get respeck fo, Da no good guys goin bus um up.

Isaiah 56:1

Dis wat Da One In Charge tell: “Make shua da judges fo you guys Stay judge da peopo da right way. All you guys, do da right ting erytime. Cuz litto bit mo time now, I goin get you guys outa trouble, Fo show erybody dat I do da right ting erytime.

Ezekiel 16:3

Tell um, ‘Dis wat Da One In Charge, da Boss, tell you Jerusalem peopo: You guys ancestas wen come from da Canaan peopo land, an you guys wen born ova dea. Yoa faddah come from Amor, an yoa muddah come from da Het peopo.

Ezekiel 22:29

Da peopo inside da land put presha on top da peopo dat no mo notting. Dey rip off da ones dat need help. Dey make any kine to da peopo dat no stay from Jerusalem. Dey do tings to dem dat no stay pono.

Ezekiel 28:5

You know how fo trade stuff real good, So you come mo rich. But cuz you get plenny stuff dat cost plenny, You tink you real high makamaka.’ ”

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Joel 2:12

Da One In Charge tell, “No matta I stay come awready, Go all out fo come back to me! No eat so you can pray. Cry, an stay sad inside.”

Amos 2:7

Da guy dat not strong, You Israel peopo push his face inside da dirt. Da guys dat get presha on top dem, You Israel peopo ack jalike dey no mo rights. Da faddah an his boy, dey go sleep wit da same girl. Cuz a all dat, peopo talk bad bout me, An I da One dass good an spesho, you know!

Amos 3:9

Stan up on top da flat palace roof, Ashdod town, An da flat palace roof, Egypt land, An talk loud lidis fo da peopo inside can hear: “Eh! Go come togedda on top da hills aroun Samaria town, An check out all da stuff inside dat town dass all jam up, Da way dose Israel guys all ack mean to each odda!”

Amos 4:1

Amos tell dis too: “Eh! You Samaria wahines! Lissen up! You guys jalike da fat cows from Bashan Dat eat grass on top da hills Samaria side! You wahines give hard time to da peopo dat no mo powa An you make any kine to da peopo dat no mo notting. You guys erytime tell yoa husban, ‘Bring mo booze!’

Amos 5:11

Cuz da peopo dat no mo notting, You guys make um pay tax An take away some a da food dat dey harves an clean, Cuz a dat, no matta you guys build house Wit fancy kine cut stone block— You guys no goin live inside. No matta you guys plant one good looking kine grape farm— You guys no goin drink da wine from dose grapes.

Micah 2:1

“Bummahs, fo da guys dat make plan fo do bad kine stuff! Dass wat dey tink bout wen dey res on top dea bed. Den wen da sun come up dey go do um, Cuz dey get da powa fo do um.

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Zekariah 14:21

Ery pot inside Jerusalem an Judah goin be spesho fo Da One In Charge, Da God Ova All Da Armies. An erybody dat come fo make sacrifice goin take some a da pots an cook da meat from da sacrifice inside um. An dat time no goin get guys dat buy an sell stuff inside da house fo Da One In Charge, Da God Ova All Da Armies.

Zekariah 5:8

He tell, “Dis one, her name, ‘Do Wass Wrong.’ ” Den he push her back inside da basket, an push da heavy lead cova down on top um.

Zekariah 7:9

“Dis wat Da One In Charge, Da God Ova All Da Armies, tell: Judge fair kine fo peopo trus you! Stay tight wit each odda, an show love an pity fo each odda!

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

John 2:16

An he tell da guys dat stay sell da doves, “Get um outa hea! No make my Faddah house jalike one open market!”

James 5:4

Tink bout da guys dat wen bus ass inside yoa fields. You guys was suppose to pay dem fo da work dey wen do, but you guys neva. Dat show fo real kine how bad you guys stay. Da same guys dat wen harves da ripe food, dey stay make big noise. But you know wat? Da One In Charge Ova All Da Armies, he stay lissen dem!

1 Samuel 12:3

I stan hea right now, in front Da One In Charge an da guy dat Da One In Charge wen pick fo be da king. If anybody get someting fo tell, okay fo dem poin finga me right now. I wen rip off somebody cow, o wat?! O somebody donkey? I wen scam somebody? I wen put presha on somebody? I wen take silva from somebody fo shut my eyes, o wat?! If I wen make lidat to somebody, right now, I goin make um come pono fo dem!”