Hosea 12:4 - Hawaii Pidgin Bible

⁴ Jacob wen wresso wit one angel guy an win! Den he cry an beg da angel fo do someting good fo him. Laytas, Jacob find God Bethel side. An talk wit him ova dea.

Hosea 12:4 ပူးပေါင်းရင်းမြစ်များ

Start 25:26

Afta dat, da odda braddah come out. He stay holding Esau heel wit his hand. Dass how come he get da name Jacob, cuz soun kinda like “grab heel,” dea language, an soun kinda like “take ova” too. Wen da boys wen born, Isaac 60 year ol.

Start 32:24

He da ony guy dat stay dea. Had one guy dea dat come an wresso wit Jacob all nite till start fo come litto bit light.

Start 32:25

Wen da guy see dat he no goin win, he wack Jacob, da place wea da leg go inside da hip bone, an he pull da leg bone outa da hip bone.

Start 32:26

Da guy tell Jacob, “Let me go! Get litto bit light awready.” Jacob tell da guy, “No way I goin let you go. You gotta make one ceremony fo me firs fo make good tings happen to me. Den I let you go.”

Start 32:29

But den Jacob tell, “Try tell me yoa name?” But da guy tell, “How come you like know? No good you aks me dat!” Right den an dea, da guy tell Jacob da spesho tings God like do fo him.

Start 35:15

Da place wea God talk wit Jacob, Jacob give um da name Bethel, dat mean, “God House,” dea language.

Start 48:15

Den Israel tell God fo take kea Joseph, lidis: “I like tell dis bout God: My granfaddah Abraham an my faddah Isaac, Dey wen live da way God tell dem fo live In front God. Dass da God dat take kea me Jalike one sheep guy take kea his sheeps, From da time I born till now.

Songs 66:6

He wen make da bottom a da Red Sea Come dry land, Fo da peopo walk to da odda side. Dass da place wea da peopo Come real good inside cuz a God!

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Malakai 3:1

Da One In Charge, da God Ova All Da Armies, tell dis: “You know wat I goin do? I stay ready fo sen my messenja guy. He goin make ready da road befo I go dea. Da boss guy goin show up Befo you tink he goin come Ova dea inside his Temple! Dat messenja guy da one Dat you guys tell you stay look fo him, He da messenja dat tell bout da deal. An you guys tell, ‘Us guys goin stay real good inside wen he come!’ You neva know, o wat?! Fo shua he goin come!

1 Tessalonika 4:17

Afta dat, God peopo dat stay alive dat time an still stay hea, he goin take all us guys up dea inside da clouds, togedda wit dem odda peopo, fo give oua aloha to Da One In Charge, up dea inside da sky. An az how us guys goin stay wit Da One In Charge foeva!

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.