Hosea 11:11 - Hawaii Pidgin Bible

¹¹ Dey goin come, sked an shaking, Jalike sparrows from Egypt an doves from Assyria. I goin let dem live inside dea homes.” Az wat me Da One In Charge tell.

Hosea 11:11 ပူးပေါင်းရင်းမြစ်များ

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 60:8

“Wat dese tings dat look jalike dey fly jalike da clouds? Jalike da doves dat stay fly to da puka in dea house?

Jeremiah 31:12

Dey goin come back yelling cuz dey stay good inside, On top da hill wea Da One In Charge stay, Zion side. Dey goin smile plenny cuz Da One In Charge give um plenny— Wheat an barley, new wine an olive oil, Young sheeps, goats, an cows. Dey goin stay jalike one garden dat get plenny watta. Dey no goin lose fight no moa.

Ezekiel 34:27

Da trees in da land goin get choke plenny fruits an da groun goin grow plenny stuff. My peopo goin live on top dea land an no mo notting goin hurt dem. An dass how goin come wen I broke da heavy yoke on top dem, so dey no goin be slaves no moa. Den dey goin know az me Da One In Charge do all dis!

Ezekiel 34:28

Da odda nations no goin rip off my peopo no moa. Da wild animals no goin eat um up no moa. Notting goin hurt dem, an no mo nobody goin make dem come sked.

Ezekiel 37:21

Give um dis message from Da One In Charge, da Boss: I ready fo take da Israel ohana peopo outa da lands wea dey wen go. I goin bring dem togedda from all ova da place an bring um back inside dea land.

Ezekiel 37:25

Dey goin live on top da land I wen give my worka guy Jacob, da land wea yoa ancesta guys wen live befo time. Dem an dea kids, an dea kids kids goin live ova dea foeva, an my worka guy David goin be da leada guy fo dem foeva.

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Hosea 7:11

“Da Israel peopo wen come jalike one dove, Stupid kine dat no can undastan notting. Firs ting, dey call da Egypt peopo fo help dem. Den dey turn aroun an call Assyria.

Obadiah 1:17

But on top Mount Zion, da hill dat stay spesho fo me, I goin get my peopo outa trouble. Den Mount Zion goin come spesho fo me An da Jacob ohana goin take back dea property.

Zekariah 10:10

I goin bring da Efraim peopo back from Egypt, An from Assyria. I goin bring dem togedda inside da Gilead an Lebanon land, Till no mo enuff room fo dem ova dea.

Zekariah 8:7

Dis wat Da One In Charge, Da God Ova All Da Armies, tell: “I goin get my peopo outa trouble from da lands on da east side an da west side.

Zekariah 8:8

I goin bring dem back fo live inside Jerusalem. Dey goin be my peopo, an I goin be dea God. Dey goin know dat dey can trus me, an dat I goin do da right kine tings fo dem.”