Hosea 10:14 - Hawaii Pidgin Bible

¹⁴ Yoa peopo goin hear da loud noise from da war, An yoa towns wit strong wall goin come wipe out. Jalike wen Shalman wen wipe out Bet-Arbel, da time dey wen fight, Wen dey throw da muddahs an dea kids down on top da groun fo kill um.

Hosea 10:14 ပူးပေါင်းရင်းမြစ်များ

Start 32:11

“Now I stay aks fo yoa kokua fo get me outa trouble from my braddah Esau. Cuz I stay sked a him, you know. No good he come hea an bus me up, me an da wahines an dea kids, erybody.

2 Kings 17:16

Da peopo no lissen all da tings dea God, Da One In Charge, wen tell um fo do. Dey even make two idol kine gods from metal fo dem pray to, dat look jalike bebe cows. Dey set up poses fo da wahine god Asherah. Dey go down in front da sun an moon an all da stars inside da sky jalike dey gods, an dey let da Baal god be dea boss.

2 Kings 17:3

Shalmaneser, da Assyria king dat time, wen come wit his army guys fo attack Hoshea. Az how Hoshea come one small kine king unda Shalmaneser, an ery year, Hoshea gotta pay Shalmaneser plenny.

2 Kings 18:33

No mo even one peopo, wea dea god get dea land outa da Assyria king powa!

Isaiah 17:3

Inside da Efraim land, No goin get towns dat get strong wall no moa. Inside da Damascus land, No goin get kings no moa. Da Aram kings from Damascus, An da Israel kings from Efraim, Dey was awesome befo time. But bumbye, da ones dat still stay alive From da Aram peopo an da Israel peopo, Dey no goin be awesome no moa. Az how goin be, Da One In Charge, Da God Ova All Da Armies tell.

Isaiah 33:14

Inside Jerusalem town, Da peopo dat stay do bad kine stuff, Dey stay sked! Da ones dat tink God notting, Dey no can stop shake no moa! Dey talk: ‘No mo nobody from us guys Can live wit da fire dat goin burn us up! No mo nobody from us guys Can live wea da fire goin burn all da time!’

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 48:41

Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Hosea 10:15

Same ting goin happen to you Bethel peopo, Cuz you guys stay do real bad kine stuff! An da day wen Da One In Charge goin fight Wen start fo get light, Da Israel king goin mahke!”

Hosea 13:16

Da Samaria peopo gotta get punish, Cuz dey wen go fight me dea God. Dey goin get kill wit swords. Odda peopos goin throw da Samaria small kids down Fo dem mahke on top da groun, An dose odda peopos, dey goin rip open da hapai wahines.”

Amos 3:14

“Dat time wen I goin punish da Israel peopo Fo da bad tings dey wen do, Same time, I goin bus up all da altars Bethel side! I goin wack da horns dat stick out from da altar, Dey goin broke an fall down on top da groun.

Amos 3:8

Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Amos 9:5

“Da One In Charge a me, Da God Dat Stay In Charge Ova All Da Armies, Wen he touch da world, jalike da world melt, An erybody dat stay live inside da world come real sad. Da land move up an move back down Jalike da Nile Riva Egypt side.

Micah 5:11

I goin wipe out big towns inside yoa land, An broke down all yoa strong wall.

Nahum 3:10

But da Nineveh peopo even make da Thebes peopo come prisonas. An sen dem far away. Da Nineveh guys smash da small kids from Thebes an kill um All ova da town. Dey pull straw fo who goin get da Thebes alii guys fo dea slave. Dey tie up all da Thebes leada guys wit leg chains.

Nahum 3:12

All yoa strong wall jalike fig trees Dat get dea firs ripe fruit. Wen somebody shake um, Da figs fall down an peopo eat um. Dass how yoa strong wall goin fall down.

Habakkuk 1:10

Dey da kine guys dat make fun a da kings fo da odda peopos. Dey make jalike da importan guys Fo da odda peopos, not importan. Dey laugh at da odda peopos strong wall. Dey build dirt ramps fo run ova da wall fo odda peopos big towns An take um ova.