Hosea 10:13 - Hawaii Pidgin Bible

¹³ But da stuff you guys wen plant— You wen teach peopo how fo do wass wrong! Az why you Israel guys wen harves all kine stuff dass not right! An cuz a dat, you guys ony lissen da ones dat bulai you. Cuz you guys trus da way dat you live, An all da strong fighta guys you guys get.

Hosea 10:13 ပူးပေါင်းရင်းမြစ်များ

Job 4:8

I wen watch da guys dat do wass wrong, An da guys dat make trouble. Dey erytime get back da same trouble dey wen make.

Songs 33:16

Jus cuz one king get plenny army guys, Dat no mean he goin get outa trouble. Jus cuz one army guy real strong, Dat no mean da guy goin win da war.

Songs 52:7

“Check out dis guy! He neva like aks God fo take kea him. He tell, ‘Fo shua I can handle!’ Cuz he get plenny money. He tink he strong, cuz he know He can jam up eryting!”

Songs 62:10

No tink you goin come rich Wen you presha out peopo Fo give you money, O wen you bus um up Cuz dey no give you money, O wen you rip off dea stuffs. An if bumbye you get plenny money, No tink dass da mos importan ting.

Smart Guys 1:31

Stuff goin happen to dem Cuz dey live dat way. Eryting dey figga fo do, Goin come back on top dem, Da same stuff an even mo stuff.

Smart Guys 12:19

Wen you tell da trut, Erybody goin know az right, No matta how long time afta. But wen you bulai, Short time awready, dey know az wrong.

Smart Guys 13:2

Wat peopo tell, an how dey tell um, Make good tings come fo dem. Da buggahs dat you no can trus, Inside, dey ony like bus you up.

Smart Guys 19:5

Da kine guy dat bulai any kine in front da judge, Fo shua, da judge goin punish him! Da kine guy dat bulai all da time, No way he goin get away!

Smart Guys 22:8

Anybody do bad kine stuff, Dey goin get plenny trouble cuz a dat, Jalike somebody throw bad kine seed An bumbye, dey gotta eat da kine food dat come from dat. Da ones dat do bad kine stuff come huhu An like wack erybody, Still yet, dey no goin get notting.

Teacha 9:11

I wen see anodda ting unda da sun too: Da mos fas guys no goin win da race erytime, An da mos strong guys no goin win da fight erytime. Da guys dat know wat fo do erytime, dey no mo food erytime, Da smart guys not rich erytime. Nobody show respeck erytime fo da guys dat know plenny. But dey all gotta chance um wen da right time come.

Isaiah 17:11

No matta you put one fence Da same day you plant um, An da nex morning you make da seed start fo grow, You goin get ony junk kine plants From da seed you plant, Cuz you goin get one sick dat nobody can make come good, An you goin hurt plenny.

Hosea 11:12

Da Efraim peopo stay bulai me all da time. Az da Israel peopo, an da way dey ack, I no trus dem. But da Judah peopo still hang out wit me, God, no matta wea dey go! Dey stay good wit me, Da One dat stay good an spesho,

Hosea 4:2

Dose guys put kahuna on top each odda. Dey bulai each odda an murda each odda. An dey rip off peopo. Dey fool aroun behind dea wife o husban back. Dey bus up peopo an kill um one afta anodda.

Hosea 4:8

“Wen da peopo do bad tings, Dey go bring animals fo sacrifice. Ony den, da pries guys get plenny fo eat. So fo dem, az good wen peopo do wass wrong!

Hosea 7:3

Da prince guys make da king tink az good fun Cuz dey stay do bad kine stuff. Da prince guys like fo dem bulai.

Hosea 8:7

“Az jalike da Israel guys plant da wind, An harves da whirlwind! Da wheat stalk no mo wheat berry, An no can make flour. An if some wheat plant get wheat berries, Fo shua, goin get guys from anodda place goin eat um!

1 Samuel 24:14

“You Saul da Israel king. Who you stay make war agains?! Who you stay chasing?! Jalike I one mahke dog! Jalike I one uku! O wat?!