Hosea 10:12 - Hawaii Pidgin Bible

¹² Do da right tings! Dass da kine seed you guys gotta plant fo ony you! An you stay tight wit me! Dass jalike da kine fruit you guys gotta pick! Broke up da hard dirt inside you dat you neva plow yet! Cuz stay time now fo come tight wit me, Da One In Charge, Till I come teach you guys how fo do wass right, Jalike da rain make da groun come sof fo good stuff grow.

Hosea 10:12 ပူးပေါင်းရင်းမြစ်များ

Songs 105:4

Try go find out wat Da One In Charge Like you fo do, Cuz den he goin make you strong inside. All da time, try fo come mo nea him.

Songs 72:6

I like fo da king make good tings Happen fo da peopo, Jalike da rain dat come down Right afta dey cut da grass, An jalike da passing showas Dat make da groun get plenny watta.

Smart Guys 11:18

Da kine peopo dat do bad kine stuff, Wat dey get fo dat, ony make dem look good. Da kine peopo dat make tings come right, Wat dey get fo dat, stay good fo real kine.

Smart Guys 18:21

Da tings peopo tell Get da powa fo kill odda peopo, O fo make um come alive. Da kine peopo dat like fo talk plenny, Wateva dey tell, goin come back to dem.

Teacha 11:6

Plant yoa seeds morning time. Evening time, no stop work. Cuz you donno if da morning stuff goin come good, O da evening stuff, O if da two goin come good.

Isaiah 30:23

Da One In Charge goin sen rain Fo da seeds you guys goin plant inside da groun. Da food dat da groun bring up From da seeds you guys plant Goin be good kine, an goin get plenny. Dat time yoa cows goin get plenny fo eat Inside da big field.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 32:20

Afta dat, you guys goin stay feel good inside, Wen you plant yoa seed nea ery stream An let yoa cows an donkey go all ova.

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 45:8

“I like eryting come right, All ova da place, Jalike da rain come down from da sky All ova da place. I like get peopo outa trouble An same time, do plenny right kine tings, Jalike da clouds sen down da rain, An da earth suck um up, Fo plenny plants grow all ova da place. Me, Da One In Charge, An I make all dis happen!

Isaiah 48:18

I wen like fo you guys lissen Wat I tell you guys fo do befo time, But you no like lissen! I wen like fo eryting go okay fo you guys, Jalike one riva dat no make noise An stay full all da time, But you not okay! I wen like fo you guys get um right wit me, Jalike da wave dat come in from da ocean all da time, But you no get um right!

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Isaiah 54:14

You guys goin come solid Cuz you stay do da right ting erytime, No mo nobody goin put presha on you guys, An you no need stay sked no moa. Cuz da tings dat make you sked, No even goin come nea you guys.

Isaiah 55:6

Go all out fo know Da One In Charge Right now, wen he let you guys meet him. Call him fo help you Now, wen he stay nea.

Jeremiah 50:4

Da One In Charge tell, “Dass goin be da time Wen da Israel peopo an da Judah peopo Goin like fo come tight wit dea God, Da One In Charge. Dey goin cry real hard Cuz dey like come tight wit him.

Ezekiel 34:26

I goin do good tings fo my peopo, an fo all da place aroun da hill dat stay spesho fo me. I goin bring rain an dis goin be good fo da peopo.

Hosea 12:6

You guys, gotta go back by yoa God. Stay tight wit him, an do da right kine tings. Erytime trus yoa God an wait fo him.

Hosea 14:1

Hosea tell: “You Israel peopo, come back by oua God, Da One In Charge. All da bad kine stuff you guys wen do, Az wat wen bring you guys down!

Hosea 6:3

Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Hosea 8:7

“Az jalike da Israel guys plant da wind, An harves da whirlwind! Da wheat stalk no mo wheat berry, An no can make flour. An if some wheat plant get wheat berries, Fo shua, goin get guys from anodda place goin eat um!

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Amos 5:4

Dis wat Da One In Charge tell da Israel ohana: “Eh! Go come back by me an be my guys, Fo me help you, aah? Den you guys goin stay alive an no mahke.

Amos 5:6

Amos tell: “Eh you guys! Go by Da One In Charge fo get help Fo you guys stay alive an no mahke. But if you no like, God goin wipe out da Joseph ohana real fas, jalike wit fire, An burn up Bethel town real fas, An nobody goin pio da fire.”

Amos 5:8

“God, he da One wen make da stars— Da Pleiades an Orion stars, He change da real dark time an make um come morning time, He change da day time an make um come dark fo nite time. He tell da watta fo come up outa da ocean fo make rain clouds, Den he pour um out on top da groun. Da Boss, Da One In Charge, dass his name, cuz dass who him!

Luke 13:24

“Make shua you try hard fo get God fo yoa king! You know, dass jalike you gotta go by him thru one skinny door. Plenny peopo goin try fo go inside dea, but no can.

Jesus Guys 2:18

Yeah, an dat time too, I goin make my Spirit Take charge a da peopo dat work fo me, Guys an wahines, An dey goin talk fo me.

2 Corint 9:10

God give seed to da farma guys dat plant seed. God give us bread fo eat. Dat same God goin help you guys do da right ting mo an moa, jalike you farma guys an he goin give you guys mo an mo seed fo plant.

James 3:18

Get peopo dat stay cool head an stop all da trouble da odda guys make. Wat you figga dey goin get from all dat? Cuz a dose peopo, bumbye da odda guys goin do da right kine stuff dat God like. Da peopo dat stay cool head an stop all da trouble, dey jalike one farma guy. Firs, da farma guy plant da seeds, den bumbye, he get da food from da plants.