Hosea 1:4 - Hawaii Pidgin Bible

⁴ Den Da One In Charge tell Hosea, “Give him da name Jezreel. Dat mean ‘God scatta.’ Az cuz pretty soon I goin punish da Jehu ohana, cuz dey wen kill plenny peopo Jezreel side. Den I goin make da blood line fo da Israel king guys come pau.

Hosea 1:4 ပူးပေါင်းရင်းမြစ်များ

2 Kings 10:1

King Ahab get seventy boys all live Samaria town. So Jehu write lettas an tell somebody take um Samaria town, to da main leadas inside Jezreel valley an da older leadas, an to da guys dat get da job fo take kea Ahab kids. Jehu tell,

2 Kings 10:17

Wen Jehu come by Samaria town, he kill erybody dat still yet stay dea from da Ahab ohana. He kill all dem, jalike Da One In Charge, da Boss, wen tell Elijah.

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

2 Kings 15:8

Wen Azariah (dass Uzziah) stay da Judah king fo thirty-eight year, Zekariah, Jeroboam Numba Two boy, come da Israel king. He stay king fo six month inside Samaria town.

Isaiah 7:14

Cuz a dat, my Boss goin give you guys one sign. Dis da sign: goin get one young wahine dat neva sleep wit one guy, but layta she goin come hapai, an bumbye dat wahine goin born one boy. She goin call him ‘Immanuel,’ dat mean, ‘God stay wit us guys.’

Isaiah 8:3

Afta I do dat, I go sleep wit my wife, da wahine dat talk fo God. She get hapai, an born one boy. Da One In Charge tell me, “Call him Maher-Shalal-Hash-Baz.

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Jeremiah 20:3

Da nex day, Pash-hur hemo Jeremiah from da shackles. Jeremiah tell um, “Da One In Charge get dis new name fo you. Not Pash-hur, but Magor-Missabib. Dat mean, ‘Stay Real Sked.’

Jeremiah 23:2

Az why Da One In Charge, da God fo da Israel peopo, tell dis to da leada guys dat suppose to take kea my peopo: “You da guys wen make my sheeps an goats run away all ova da place. Cuz you no watch my sheeps an no take kea dem, I goin watch you guys fo punish you fo da bad kine stuff you guys do.” Az wat Da One In Charge tell.

Jeremiah 3:8

An da Judah peopo wen see dat I wen cut off da Israel peopo, jalike I give um one divorce paypa an sen um away, cuz dey ack jalike one wahine dat no stay tight wit her husban an fool aroun wit da odda gods. But I see dat dea sistah guys, da Judah peopo, dey no stay tight wit me too. Dey no sked fo make jalike one wahine you no can trus, an go fool aroun wit da odda gods too, jalike da wahines dat fool aroun fo money.

Ezekiel 23:10

Dose guys rip her clotheses fo make her come naked. Dey take away her boys an girls. Den dey kill her wit one sword. Afta dat, all da wahines know who her an make story bout her, an bout how she get punish.

Ezekiel 23:31

You wen live jalike yoa sistah, az why I goin punish you da same way I wen punish her.”

Hosea 1:6

Gomer come hapai one mo time, an born one bebe girl. Da One In Charge tell Hosea, “Give her da name Lo-Ruhamah. Dat mean ‘Nobody pity her.’ Cuz I no goin show pity fo da Israel ohana no moa. An I no goin take away dea blame no moa.

Hosea 1:9

Da One In Charge tell, “Give him da name Lo-Ammi. Dat mean, ‘Not my peopo.’ Cuz you guys no goin be my peopo no moa, an I no goin be yoa God no moa.

Hosea 2:13

I goin punish her fo all da times She go burn incense fo da Baal idols. She put on plenny rings an jewelry. She go wit da guys dat make sex wit her, But she foget bout me.” Az wat Da One In Charge tell.

Hosea 2:22

Den I goin lissen wat da earth like me fo do, An I going plant wheat an barley, grape fo new wine, an trees fo olive oil. Fo make da Jezreel Valley peopo get plenny food.

Hosea 9:17

God tell “Laytas” to da Israel peopo Cuz dey no goin lissen him. Dey goin go from one nation to anodda nation, Cuz dey donno wea dey stay goin live.

Amos 9:8

You know wat? Me, Da One In Charge, yoa Boss. An I stay watch yoa land. I see dat all da peopo ova dea Stay do wass wrong! Fo shua, I goin wipe out all dat land, All da peopo dat come from yoa ancesta guy Jacob!” Dass wat Da One In Charge tell.

Matthew 1:21

She goin born one boy, an you goin name um Jesus, cuz he goin get his peopo outa da kine bad stuff dey do.”

Luke 1:13

But da angel guy tell, “No sked, Zekariah! God wen hear wat you tell, an yoa wife Elizabet goin born one boy. You goin name um John.

Luke 1:31

You goin come hapai, an goin born one boy. You goin name him ‘Jesus.’

Luke 1:63

Zekariah aks fo one paypa an write down, “He get da name ‘John.’ ” An dea jaws drop!

John 1:42

Den he bring Simon to Jesus. Jesus look at um an tell, “You Simon, an yoa faddah John, aah? but not da Baptiza guy. From now peopo goin call you ‘Cefas.’ ” (Dat mean “Peter,” o “Da Rock,” in dea language.)

Joshua 19:18

Inside dea land get Jezreel, Kesullot, Shunem,