Hebrews 8:9 - Hawaii Pidgin Bible

⁹ No goin be same same jalike da deal Dat I wen make wit dea ancesta guys, Da time I wen hold dea hand Fo bring um outa Egypt. Dem guys, dey neva stick wit da deal I wen make wit dem. Cuz a dat, I no lissen dem.’ Az wat Da One In Charge tell.

Hebrews 8:9 ပူးပေါင်းရင်းမြစ်များ

Start 19:16

But Lot, he still neva like hurry up. So da two guys grab Lot, an his wife, an da two daughtahs. Dey bring um all outside da town an leave um dea. Dass how Da One In Charge wen show pity fo dem an give um chance.

Job 8:20

“Fo shua, God no throw out da peopo dat no mo blame. But he no help da bad guys come strong.

Songs 105:43

Wen God bring his peopo outa Egypt, Dey stay real good inside. Da peopo he wen pick was shouting Cuz dey feel good inside.

Songs 77:20

You wen show yoa peopo wea fo go Jalike one sheep guy. You wen use Moses an Aaron Fo do all dat.

Songs 78:57

Jalike dea ancesta guys, Dey wen bag from God An neva stay tight wit him. Az why God no can trus dem. Dey jalike one bow dat no shoot strait.

Outa Egypt 32:8

I wen tell um da right way fo ack, but real fas dey stay turn aroun an go da wrong way awready. Dey melt gold fo make one idol god dat look jalike one bebe bull. Dey go down in front da idol god an make sacrifices fo um. Dey stay tell, ‘All you Israel peopo! Dis idol god fo shua, az one a da gods dat bring you guys outa da Egypt land!’ Az wat dey tell.”

Outa Egypt 34:10

Den Da One In Charge tell: “Right hea an now, I make one deal wit all yoa Israel peopo. In front all yoa peopo, I goin do awesome tings dat nobody wen do befo time eva, not any place inside da world, not wit any odda peopo. All da peopo dat stay wit you now, dey goin see how awesome an unreal da tings I goin do fo you guys, cuz me Da One In Charge.

Love Song 8:5

Who dis dat stay come up from da boonies, Dat stay lean on top da one dat she love? Wen you was sleeping unda da apple tree, I wen make you come all excited. Az da same place yoa muddah wen come hapai wit you, An da same place she hurt plenny wen she born you.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Isaiah 41:13

Cuz me, Da One In Charge, I yoa God. I da One stay hold yoa right hand, Da One stay tell you guys, ‘No sked! I goin help you.’

Isaiah 51:18

You guys, jalike one wahine dat born plenny boys But now, no mo even one a dem Fo show her wea fo go. She wen raise up her boys But now no mo even one a dem Fo hold her hand.

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Jeremiah 31:32

No goin be jalike da deal I wen make wit dea ancesta guys, Da time I wen take dea hand An pull um outa Egypt. Cuz dey wen broke dat deal I wen make wit dem, No matta I get da right fo tell dem wat fo do.”

Sad Song 4:16

Da One In Charge, he da One dat scatta dem all ova da place. He no take kea dem no moa. Da pries guys an da older leadas, Nobody show dem respeck no moa.

Ezekiel 16:59

“ ‘Dis wat me Da One In Charge, da Boss, tell: I goin punish you Jerusalem guys, da way I suppose to, cuz you neva show respeck fo my strong promise! You guys wen broke da deal you wen make wit me!

Ezekiel 16:8

“ ‘Da nex time I go by dea, I wen look you, an I see dat you stay ol enuff fo make love. I spread da corna a my blanket ova you fo cova you cuz you stay naked. Dass how I show I goin take kea you fo come my wife. I make one strong promise to you an make one spesho deal wit you fo you come mines. Az wat me, Da One In Charge, da Boss, tell.

Amos 5:22

No matta you guys bring animals Fo kill um an burn um up fo make one sacrifice fo me, No matta you guys bring wheat fo make one present Fo show you get respeck fo me, I tell ‘Laytas’ to dat! Wen you guys kill da fat cow fo make da sacrifice, Still yet, I tell ‘Laytas’ to dat.

Malakai 2:13

An dass anodda ting you guys do. You guys cry big an moan all ova da altar wea you make one sacrifice fo Da One In Charge. But Da One In Charge still yet no turn aroun an take da sacrifices you guys bring, an he no feel good cuz you bring um.

Mark 8:23

He take da blind guy by da hand, an dey go outside dat small town. Jesus spit on da guy eyes, an put his hands on top him, an tell him, “Wat you see now?”

Jesus Guys 13:11

Now Da One In Charge goin punish you an make you come blind fo now fo you no see da sun!” Right den an dea da mist an da dark cova his eyes. He go all ova da place, an try find one guy fo hold his hand fo lead him.

Jesus Guys 7:36

Moses bring da peopo outa Egypt an show dem awesome stuff wit powa Egypt side, an by da Red Sea, an in da boonies fo forty year.

Jesus Guys 9:8

Saul stan up, but wen he open his eyes, he no can see notting. Az why dey hold his hand an dey all go inside Damascus.

Galatia 4:24

Da two wahines jalike one picha. Dey show da two diffren kine deals dat God wen make wit his peopo. Hagar, da slave wahine, she born one slave boy. Hagar, she jalike one picha fo show da deal God wen make wit Moses on top Mount Sinai, wen God give Moses da Rules ova dea befo time.

Rules Secon Time 29:1

All dis, az wat da deal tell, dat Da One In Charge tell Moses fo make wit da Israel peopo Moab side, an da deal he wen make wit dem befo, Mount Sinai side.

Rules Secon Time 29:12

You guys stay stan hea today cuz you goin take dis deal wit yoa God, Da One In Charge, fo him make um good wit one strong promise.

Rules Secon Time 29:25

“An some odda peopo goin tell, ‘Az cuz da peopo dea no like take da Deal dat Da One In Charge, da God fo dea ancesta guys, wen make wit dem wen he bring dem outa Egypt.