Hebrews 7:9 - Hawaii Pidgin Bible

^9-10 Dass jalike dis: All da Jew pries guys get da guy Levi fo dea ancesta guy, an dey colleck da ten percent from da peopo. But da time Melkizedek wen meet Abraham an Abraham pay da ten percent to Melkizedek, dass jalike Abraham pay him fo all da Levi peopo an all da Levi pries guys dat not born yet, cuz Abraham da ancesta fo all dem.

Hebrews 7:9 ပူးပေါင်းရင်းမြစ်များ

Start 14:20

An I like tell dis bout da God Dass Mo Importan Den All Da Odda Gods: He erytime do good tings. He da One dat wen hand ova to you Da guys dat wen give you hard time.” Den Abram take all da stuffs he bring back an make ten pile, an he give one whole pile to Melkizedek, ten percent.

Matthew 7:8

All da guys dat go aks, goin get. All da guys dat go look fo someting, goin find um. All da guys dat go knock on top da door, God goin open da door fo dem.

Rome 5:12

So den, from da time da world start, da firs man Adam, he da one wen start fo do bad kine stuff. Az why God neva let um live foeva. An from dat time, all da peopo inside da world live jalike dat man. Cuz dey live lidat, same ting happen jalike wit dat man, erybody gotta mahke.

Rules Secon Time 26:12

Da year numba three dat you live inside da land, dat goin be da year fo da ten percent. Dat mean, wen you pau put on da side da ten percent from all da stuff you wen grow, den you goin give da ten percent to da Levi ohana peopo, da peopo from anodda place, da kids dat no mo faddah o muddah, an da wahines dat no mo husban. Dass how dey goin get plenny food fo dem eat um ova dea inside yoa towns.

Hebrews 7:4

Try tink bout dis: Melkizedek was one real importan guy. He so importan dat oua ancesta guy, Abraham, even give him da bestes ten percent from all da stuffs he take back wen he fight da kings.

Hebrews 7:8

Az da regula kine pries guys dat colleck da ten percent. Dose guys, dey goin mahke bumbye. But Melkizedek, he colleck da ten percent, an da Bible tell dat he stay alive fo real kine.