Hebrews 7:21 - Hawaii Pidgin Bible

²¹ Was wen Jesus come one pries, dat God make dat strong promise. God tell um, “I Da One In Charge. I make dis promise, An I no goin change my mind. ‘You one pries guy foeva.’ ”

Hebrews 7:21 ပူးပေါင်းရင်းမြစ်များ

Songs 110:4

Da One In Charge Make dis strong promise awready, An he no goin change his mind. He tell: “You, you stay one pries foeva fo me. Da same kine pries jalike Melkizedek.”

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Rome 11:29

You know, wen God give you someting, he no take um back. Wen he tell you, “Eh! Go come be my guy!”—he no goin change his mind.

Hebrews 5:6

An get anodda place inside da Bible dat God talk lidis: “You goin stay one pries foeva, Da Melkizedek kine pries.”

Hebrews 7:17

Da Bible tell dis bout him befo time: “You goin stay one pries foeva, Jalike Melkizedek.”

Hebrews 7:20

Wen da guys from Aaron ohana come prieses befo time, God neva make one promise bout dat. But wen God give us one mo betta ting, he wen make one strong promise.

Hebrews 7:23

Befo time had plenny guys dat come pries. Dass cuz dey no can stay one pries long time. Dey all mahke, dass why.

Hebrews 7:28

Da Rules tell how fo make guys come da Main Pries Guy. An dey come da Main Pries Guy no matta dey not strong inside. But awready had da Rules bout pries guys wen God make da strong promise fo make his Boy come da Main Pries Guy. An his Boy, he da One dass perfeck foeva.

1 Samuel 15:29

An da God fo da Israel peopo, dat stay awesome foeva, he no bulai nobody. He not one guy jalike us dat tell he goin do someting, an den he no do um.”