Hebrews 6:7 - Hawaii Pidgin Bible

⁷ You know, wen da groun take in da watta erytime get rain, an dat make da plants da farma guys grow fo da peopo, an da groun come good, den God tell, “Az good how da groun stay!”

Hebrews 6:7 ပူးပေါင်းရင်းမြစ်များ

Start 1:11

Den God tell, “I like da land get all diffren kine plants! Da kine plants dat get seed, an da kine trees dat get fruits wit da seed inside, eryting!” An dass wat God do.

Start 27:27

So Jacob go by him an kiss him. Isaac smell da clotheses, den he come shua az his boy, an he tell um how God like make spesho to him. Dis wat he tell, “Eh! My boy get good kine smell, Jalike da field outside Dat Da One In Charge wen make grow stuff!

Songs 126:6

Fo shua, whoeva go out Wit one bag seed fo plant um, No matta dey stay cry plenny Dat time, Bumbye, wen dey bring back Da wheat dey tie up, Dey goin yell plenny, Cuz dey stay real good inside!

Songs 24:5

Fo dat kine peopo, Da One In Charge Goin make eryting Come good fo dem. God goin tell dey wen do da right ting An he goin get um outa trouble.

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Ezekiel 34:26

I goin do good tings fo my peopo, an fo all da place aroun da hill dat stay spesho fo me. I goin bring rain an dis goin be good fo da peopo.

Hosea 10:12

Do da right tings! Dass da kine seed you guys gotta plant fo ony you! An you stay tight wit me! Dass jalike da kine fruit you guys gotta pick! Broke up da hard dirt inside you dat you neva plow yet! Cuz stay time now fo come tight wit me, Da One In Charge, Till I come teach you guys how fo do wass right, Jalike da rain make da groun come sof fo good stuff grow.

Prieses 25:21

I goin make real good fo you guys da year numba six, so da land goin grow enuff food fo three year.

Malakai 3:10

“Go bring all da ten percent you owe me Inside da temple storage place. Den goin get food inside my house. So, try see if I fo real bout all dat! See if I no goin open da windows inside da sky An pour down fo you guys plenny good tings, Too plenny fo you guys handle! Me Da One In Charge, Da God Ova All Da Armies, an dass wat I tell.

Matthew 7:8

All da guys dat go aks, goin get. All da guys dat go look fo someting, goin find um. All da guys dat go knock on top da door, God goin open da door fo dem.

2 Timoty 2:6

An one mo ting, da farma guy dat do all da hard work, he da guy dat suppose to get his share firs.

James 5:7

But eh, my braddahs an sistahs! Hang in dea, till Da One In Charge, Jesus, come back. Tink bout da farma guys. Dey wait fo dea plant fo come up outa da groun, you know. Dey gotta hang in dea from da time dey put da seed inside da groun, till get da firs rain, to da las rain.