Hebrews 5:8 - Hawaii Pidgin Bible

⁸ No matta Christ God Boy, wat he wen suffa teach him fo lissen God.

Hebrews 5:8 ပူးပေါင်းရင်းမြစ်များ

Isaiah 53:5

But da guy dat work fo Da One In Charge, Him, da one peopo poke wit one spear Cuz us guys go agains God. Him, da one dey smash Cuz us guys do wrong. Him, da one dey punish An dat make eryting come good fo us. Him, da one dey whip An cuz a dat, he make us come good!

Matthew 3:15

But Jesus tell, “Dass okay fo you baptize me, fo show we like do eryting da right way.” So John tell, “Shoots, we go den.” An he baptize Jesus.

John 10:18

No mo nobody can make me go mahke. Ony me can tell I gotta mahke, an come back alive. Dass wat my Faddah wen tell me fo do.”

John 15:10

If you guys stay do wat I tell you guys fo do, den you guys goin hang in dea an stay tight wit me fo shua, an I goin give you guys my love an aloha. Jalike I do wat my Faddah tell me fo do, an he stay give me plenny love an aloha.

John 4:34

Jesus tell, “I do wat God like, an I do all his work. Dass jalike food fo me.

John 6:38

I come down from da sky. I neva come fo do any kine how I like, but fo do wat my Faddah like. He da One dat sen me.

Philippi 2:8

He make jalike he no stay importan. He do eryting God tell um fo do, Even if he gotta mahke. An not jus regula kine mahke, you know. Was mo worse, he gotta mahke on top one cross!

Hebrews 1:2

But now, wen eryting almos come pau, God sen his Boy fo talk to us guys. His Boy, he da One dat get eryting from his Faddah. Wen God make da world an da sky, was his Boy dat do da work.

Hebrews 1:5

You know, God no talk to da angel guys Da way he talk to his Boy. He tell his Boy, “Today I tell Dat you my Boy!” An anodda place inside da Bible God tell, “I his Faddah, An he my Boy.”

Hebrews 1:8

But God talk to his Boy lidis: “My Boy, you God. You goin stay king foeva. Da spesho stick you carry fo show dat you da King, Dat mean you da King dat erytime do da right ting.

Hebrews 3:6

But Christ, he God Boy, an cuz a dat, he stay in charge a God peopo. An you know, us guys God peopo. If we hang in dea, an no shame fo come tight wit God, we erytime goin talk bout da good kine stuffs we stay wait fo God do bumbye.