Hebrews 5:7 - Hawaii Pidgin Bible

⁷ Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.

Hebrews 5:7 ပူးပေါင်းရင်းမြစ်များ

Songs 22:24

Cuz da peopo dat odda peopo put down, Wen dey talk to Da One In Charge, He no treat um jalike dey junk. He no turn aroun an go da odda way. Wen dat kine peopo yell to Da One In Charge fo help um, Da One In Charge, he lissen!” Dass wat I goin tell da peopo.

Songs 69:1

Eh God! Get me outa trouble! Jalike da flood watta Come up to my neck awready!

Songs 88:1

Da One In Charge, you da God Dat get me outa trouble. Day an nite time I yell fo help In front you,

Isaiah 49:8

Dis anodda message from Da One In Charge fo his worka guy: “Wen da right time come, I goin tell you wat you like know. Wen da time come Fo me get da peopo outa trouble, I goin help you an take kea you. I goin make you da one Fo show da deal I get wit my peopo, Az fo real. I goin make da land fo dem use um one mo time, Da fields wea nobody work um long time, I goin give um back to da ohanas dat own um.

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Isaiah 53:3

Peopo make to him jalike he notting. Dey no let him do notting wit dem. He one guy dat stay sad inside, An he know how feel fo suffa plenny. Peopo turn aroun an look da odda way Cuz dey no like see him. Dey make to him jalike he nobody, An nobody kea bout him.

Prieses 2:2

an take um by Aaron boys, da pries guys. Da pries guy goin take some a da bestes kine flour, enuff fo fill up his hand, wit da oil, an all da incense, an burn um up on top da altar. Az fo help peopo no foget dat da whole sacrifice stay fo me, Da One In Charge. An da smoke from da fire goin go up an make one real nice smell fo me.

Matthew 27:46

Three clock Jesus yell real loud an tell, “Eli, eli, lema sabaktani!” Aramaic language, dat mean, “My God! My God! How come you bag from me?!”

Matthew 27:50

Jesus yell one mo time real loud, an den he let go his spirit an mahke.

Mark 15:34

Three clock Jesus yell real loud, “Eloi, eloi, lema sabaktani!” Aramaic language dat mean, “My God, my God, how come you bag from me?”

Mark 15:37

Den Jesus yell one mo time real loud, an den he let go his spirit.

Luke 23:46

Jesus yell real loud. He tell, “Faddah! I give you my spirit!” Wen he tell dat, he mahke.

John 1:14

Dat “God, He Talk” Guy, he come one guy dat get one body jalike us guys get. He stay wit us short time, an us see how awesome he stay. He awesome, cuz he da One an ony Boy dat come from da Faddah. He like do plenny good stuff fo us cuz dass how he stay. Eryting he tell bout God stay fo real.

John 11:35

Jesus cry.

John 11:42

I know fo shua you erytime lissen me. But I tell dat so dese guys goin trus me, dat you wen sen me hea.”

John 17:1

Afta Jesus tell dat, he look up to da sky an tell, “Faddah, time awready. Now, show da peopo how awesome I stay cuz I yoa Boy, so den I like show dem how awesome you stay.

Rome 8:3

Maybe us guys try do wat da Rules from God tell us fo do. Sad! Us no stay strong enuff inside fo do dat cuz dass how us guys stay. Den God, he sen his Boy dat get one body jalike one regula guy dat can do bad kine stuff, but his Boy no do bad kine stuff notting! God sen um fo face da bad kine stuff peopo do. How Jesus ack, he neva do bad kine stuff. He show proof dat da tings da peopo stay do was bad fo shua. An he come one sacrifice fo hemo da shame fo da bad kine stuff peopo stay do.

Galatia 4:4

But wen da right time come, God sen his Boy. One wahine born him, an he gotta do wat da Rules tell um fo do.

1 Timoty 3:16

We all tell dis: Da stuff bout God, dat befo time was secret, dass importan fo real kine. Christ wen come, Wit one body jalike us. God Spirit wen show proof dat Christ stay right. Da angel guys from God wen see him. His guys wen teach Da diffren peopos all ova da world bout him. Get peopo inside da world dat trus him. God wen take him back To da awesome place inside da sky.

Hebrews 10:10

Jesus Christ wen do wat God like him fo do. He wen come one sacrifice fo us wen he bleed an mahke dat one time. Dass how us wen come da peopo dat stay spesho fo God fo real kine cuz a wat Christ wen do.

Hebrews 10:5

You know, wen Christ wen come inside da world, he tell dis: “God, you no like da sacrifices an da gifs dat dey bring. Dey kill animals cuz dey sorry dey wen do bad kine tings, So dey burn da whole animal fo make one sacrifice, But dat no make you stay good inside. Dass why you wen make ready fo me come one man.

Hebrews 11:7

Noah, he wen trus God. Az why God tell um, “Watch out! Bad stuff goin happen, da kine stuff dat nobody eva see yet!” Noah wen get plenny respeck fo God. Dass why he make one big boat fo take his ohana guys outa da big flood. He trus God, an dat show dat da odda peopo inside da world do bad kine stuff. But Noah, he wen get um right wit God cuz he trus God.

Hebrews 12:28

So den, God goin give us guys da right fo come jalike kings wit him. An nobody eva goin take away dat right from us guys. Az why we gotta tell God “Mahalo plenny.” Wen we do dat, we show him all kine love an respeck, cuz we know how awesome he stay.

Hebrews 13:20

God, he da One dat make um so notting bodda us guys. An he da One dat wen bring back from mahke Da One In Charge a us guys, Jesus. Jesus wen bleed an mahke fo us guys, an dass how God wen make one New Deal fo us dat stay foeva. Jesus, he jalike da main sheep guy dat take kea his sheeps.

Hebrews 2:14

God kids get blood an bones cuz dey peopo. Dass why Jesus jalike dem, wit blood an bones too. He stay lidat so dat wen he mahke, he hemo all da powa from da Devil, da one dat get da powa fo kill peopo.

1 John 4:3

But wen somebody tell dat Jesus no was one real guy, dass da guy wit da spirit dat neva come from God. Dass da same spirit dat stay go agains Christ. You guys wen hear dat goin get one guy dat go agains Christ, an now dat guy awready stay inside dis world.

2 John 1:7

You know, get plenny peopo dat go all ova da place an try fo bulai odda peopo. Dat kine guys no like tell dat Jesus, da Spesho Guy God Wen Sen, get one regula body jalike us! Dey bulai, an dey stay agains Christ.