Hebrews 5:11 - Hawaii Pidgin Bible

¹¹ Get plenny mo stuffs we like tell bout all dis, Christ an da Melkizedek guy. But not easy fo tell um cuz you guys no can undastan real good.

Hebrews 5:11 ပူးပေါင်းရင်းမြစ်များ

1 Kings 10:1

Da Queen fo da Sheba peopo wen hear wat peopo tell bout King Solomon an how he tell wat kine god Da One In Charge. So she come Jerusalem side, fo see Solomon an aks him all kine real hard kine questions.

Isaiah 6:10

Make dem so dey no can tink good, Make dem so dey no can hear good, An shut dea eyes so no can see good. I no like fo dem see wass happening, I no like fo dem start fo lissen, An fo tink good. Cuz if dey wen change, Den dey goin come good. But dey no goin change.”

Matthew 13:15

Cuz dis peopo get hard head, Dea ears no can hear good, Dey close dea eyes, Cuz dey no like see fo real kine, Dea ears, dey no like hear fo real kine, Inside dem, dey no like undastan notting. Dey no like change da way dey live, Fo me make um come good.’ “Dass wat God tell.

Mark 8:21

Jesus tell um, “You guys! You still yet no undastan who me!”

Luke 24:25

Den Jesus tell da two guys, “You guys no tink! You hard head, cuz you guys no trus all da stuff da guys dat wen talk fo God tell!

John 16:12

“I still yet get plenny mo stuff fo tell you guys. But dass mo den you guys can handle right now.

John 6:6

You know, Jesus tell dat jus fo check out Philip, cuz Jesus awready know wat he goin do.

Jesus Guys 28:27

Cuz dis peopo, dey hard head, Dey no can hear good wit dea ears. Dey shut dea eyes, Cuz dey no like see fo real. Dey no like hear wass fo real. Inside dey no like undastan fo real. Dey no like change Fo me make um come good.” ’ Dass wat Isaiah tell.”

Hebrews 5:10

Az why God make Jesus da Main Pries Guy, jalike da Melkizedek kine pries.

Hebrews 5:12

You know, time awready fo you guys come teachas. But you guys still yet need somebody fo teach you guys one mo time da easy kine stuffs bout wat God tell. You guys jalike bebes dat need milk, cuz you guys no can handle da solid stuff still yet.

2 Peter 3:16

Erytime Paul write one letta, he talk bout dis kine stuff. Fo shua, get stuff inside his lettas dass hard fo undastan. An get peopo dat no bodda fo learn dis stuff an no stay solid inside. Dey take wat Paul tell an make um all hamajang. Dey do da same ting wit all da odda stuff inside da Bible too. Da guys dat make lidat, dey goin come wipe out fo shua.