Hebrews 4:9 - Hawaii Pidgin Bible

⁹ So den, dat mean, get one res day fo God peopo still yet, jalike da Numba Seven Day, dat time God wen res.

Hebrews 4:9 ပူးပေါင်းရင်းမြစ်များ

Songs 47:9

Da main leada guys From da diffren peopos Dey all come togedda wit God peopo. Dey pray togedda to da same God Dat Abraham wen pray to. God army guys make shua Da peopo inside oua land No get hurt. An God stay mo importan Den erybody!

Outa Egypt 16:30

So, da peopo res, da day numba seven.

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 57:2

Da peopo dat stay do da right ting erytime, Eryting goin come good fo dem. An dey goin res good on top dea bed.

Matthew 1:21

She goin born one boy, an you goin name um Jesus, cuz he goin get his peopo outa da kine bad stuff dey do.”

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

Hebrews 11:25

Moses figga az mo betta he stay tight wit God peopo, an suffa plenny wit dem, an no do da bad kine stuff dat feel good but no las.

Hebrews 3:11

Wat dem guys do, I tell ‘Laytas’ to dat. Az why I wen make one strong promise: ‘No way dem guys eva going inside Da land I wen give um fo res!’ ”

Hebrews 4:1

So den, God wen make one promise dat he get one place dat he like give us fo us res inside. An dat promise still stay good fo us today. Az why watch out an come sked if look like any a you guys goin miss out on dis res.

Hebrews 4:10

Az why, wen God give you his kine res, dat mean you pau do yoa work awready, jalike God wen res, afta he pau do his work.

Hebrews 4:3

Ony us guys dat trus God today can go inside God place an res wit him. An God tell befo time bout oua ancesta guys too: “Wat dem guys do, I tell ‘Laytas’ to dat! Dass why I wen make one strong promise, an tell ‘No way dem guys eva going inside Da land I like give dem fo res!’ ” An you know wat? All dis was lidis from long time befo time, wen God make da world!

Hebrews 4:8

David no was talking bout da time Joshua wen take da peopo inside da land. Cuz if was Joshua wen give dem res, den God no need fo talk bumbye bout anodda kine day fo get res.

1 Peter 2:10

Befo time, you guys wen make jalike you guys not one ohana, but now you guys God ohana. Befo time, God neva like give you guys chance, but now he give you guys chance.

Jesus Show 14:13

Den I hear one voice from da sky tell, “Write dis: From now, erybody dat stay tight wit Da One In Charge till dey mahke, he goin do good tings fo dem.” God Spirit tell, “Yeah! Dey goin res from all dea hard work, an erybody goin know da good stuff dey wen do.”

Jesus Show 21:4

God goin wipe away all da tears from dea eye. Nobody goin mahke no moa. Nobody goin stay sad inside, O cry, o suffa, Cuz da way tings wen happen befo time, All dat goin come pau!”