Hebrews 4:6 - Hawaii Pidgin Bible

⁶ Dat mean, still yet get peopo dat “going inside da place God like give dem fo res.” Da peopo dat hear da Good Kine Stuff From God befo time, dey neva go inside dea cuz dey neva like trus God.

Hebrews 4:6 ပူးပေါင်းရင်းမြစ်များ

Isaiah 65:15

Da Israel peopo I goin pick, Da ony time dey goin use you odda Israel guys name Goin be fo put kahuna on top somebody. But me, Da One In Charge, da Boss, I goin kill you odda Israel guys, An give one diffren name fo my worka guys.

Census 14:12

I goin wipe dem out wit one bad kine sick an take away dea rights fo get da Canaan land dat I was goin give um. Den I goin make you come da faddah fo one big peopo, mo strong den dem.”

Census 14:31

You guys wen tell dat yoa kids goin come prisonas. But I goin bring yoa kids inside dat land, an dey goin stay good inside cuz dey dea, no matta you guys no like take da land.

Matthew 21:43

“I tell you guys, God goin be king fo odda peopos dat do good kine stuff jalike he do. But he no goin be king fo yoa peopo no moa.

Jesus Guys 28:28

Paul tell, “I like you guys know dat God sen his guys by da peopo dass not Jew guys, fo him take dem outa da bad kine stuff dey do. An dey goin lissen!”

1 Corint 7:29

Eh my braddahs an sistahs! I like tell dis: No mo time awready, if you get one wife o if you no moa. Cuz da way da world stay now, goin all pau.

Galatia 3:8

God wen show befo time inside da Bible dat he goin make all da diffren peopos get um right wit him cuz dey trus God. Az why God tell Abraham da Good Stuff From God way befo time. He tell: “Cuz a you, I goin do plenny good stuffs fo all da diffren peopos all ova da world.”

Hebrews 4:11

So den, good fo us guys go all out fo get dat kine res, so dat nobody come jam up cuz dey no trus God, jalike da peopo dat wen come jam up befo time.

Hebrews 4:2

Now, we hear da Good Stuff From God jalike oua ancesta guys wen hear um. Dey wen hear da Good Stuff too, but dey neva like trus um. Az why da Good Stuff dey hear neva help dem.

Hebrews 4:9

So den, dat mean, get one res day fo God peopo still yet, jalike da Numba Seven Day, dat time God wen res.