Hebrews 4:10 - Hawaii Pidgin Bible

¹⁰ Az why, wen God give you his kine res, dat mean you pau do yoa work awready, jalike God wen res, afta he pau do his work.

Hebrews 4:10 ပူးပေါင်းရင်းမြစ်များ

Start 2:2

Wen da day numba seven come, God pau awready wit da work he stay do.

John 19:30

Wen Jesus taste da cheap wine he tell, “Eryting pau awready!” An he bend down his head, an den let go his spirit.

Hebrews 1:3

God Boy, he show how awesome God stay, Jalike wen da sun stay shine in one mirror. He stay same same jalike his Faddah, Same same jalike one picha Fo show how da Faddah stay fo real kine. Da tings God Boy tell, get choke powa Fo make eryting hang togedda. Afta he pau throw out da bad kine stuff da peopo do Fo dem come clean inside, He go sit down up ova dea in da sky, On da right side nex to God Da Awesome King. Dass da spesho place fo show how importan he stay.

Hebrews 10:12

But dis pries I stay talking bout, Christ, he wen make da sacrifice fo da bad kine stuff dat one time. Den he go sit down ova dea by God, on da right side, da place wea da mos importan guy suppose to sit.

Hebrews 4:9

So den, dat mean, get one res day fo God peopo still yet, jalike da Numba Seven Day, dat time God wen res.

Jesus Show 14:13

Den I hear one voice from da sky tell, “Write dis: From now, erybody dat stay tight wit Da One In Charge till dey mahke, he goin do good tings fo dem.” God Spirit tell, “Yeah! Dey goin res from all dea hard work, an erybody goin know da good stuff dey wen do.”

Jesus Show 6:11

Den God give all da peopo spirits white robe fo put on. An he tell um, “Res an wait litto bit moa. Cuz yoa braddahs, dey still stay work fo me jalike you guys was. Da bad guys goin kill dem too jalike dey wen kill you guys. Den da time goin come fo punish da bad guys.”