Hebrews 2:7 - Hawaii Pidgin Bible

⁷ You wen make da angel guys Ony litto bit mo importan den us peopo. You wen make us peopo awesome An you show us plenny respeck Jalike you put one crown on top oua head. [An you wen put us peopo In charge a eryting you wen make.]

Hebrews 2:7 ပူးပေါင်းရင်းမြစ်များ

Songs 8:5

Cuz da way you wen make to erybody, Almos like dey God too, aah? You wen make us spesho, Jalike we kings.

Songs 8:6

You wen put us peopo in charge a da tings you wen make, You wen make us take kea eryting,

Rome 2:10

But erybody dat stay do da good kine stuff, God goin show dem plenny respeck, an notting goin bodda dem. Dat goin happen to da Jew guys firs. Den goin happen to da odda peopos dass not Jew guys.

Rome 2:7

God goin give some peopo da real kine life dat goin stay to da max foeva, cuz erytime dey hang in dea an do da right ting. Dey like get plenny respeck from God, an get da real kine life.

1 Timoty 1:17

God, he da King foeva. He no can mahke. Nobody can see him fo real kine. He da ony God. Dass why us guys like tell him we get respeck fo him, an he stay awesome foeva an eva. Dass right!

Hebrews 2:9

But get one Guy dat “fo short time, da angel guys was litto bit mo importan den him.” Dass Jesus! Cuz Jesus wen go suffa an mahke fo erybody, God “make him awesome, an show him plenny respeck, jalike God go put one crown on top his head.” Dass how God do plenny fo us guys, cuz Jesus wen suffa an mahke fo us no need get punish.