Hebrews 2:15 - Hawaii Pidgin Bible

¹⁵ An get peopo dat stay sked all da time dey stay alive. Dey sked dey goin mahke, jalike dey slaves. But Jesus make um no stay slaves no moa. Da Devil da one make peopo stay sked fo mahke. Az why dey lissen him, jalike dey slaves unda him. But now da Devil no can do dat no moa.

Hebrews 2:15 ပူးပေါင်းရင်းမြစ်များ

Job 18:11

All aroun da bad guys, get stuff dat make um real sked, An dat bodda um ery step.

Job 18:14

Da bad guys tink dey safe inside dea tent. But da sick drag dem outa dea, An make um go by da skery King Fo Da Mahke Peopo Place.

Job 24:17

Dey all like da real dark nite, Cuz fo dem, az jalike morning time fo go work. Dey all know bout da skery kine stuff dat happen wen real dark!

Songs 33:19

Da One In Charge Goin get dem guys outa trouble So dey no mahke. Wen no mo notting fo eat, He goin give dem stuff fo eat Fo make shua dey stay alive.

Songs 55:4

I stay all sore inside. I come all sked dat I goin mahke.

Songs 56:13

Cuz you wen help me fo me no mahke, So I no trip an fall down. Cuz a dat, God, ery place I go, You stay right dea, Jalike you da light Fo make me stay alive.

Songs 73:19

Real fas, God make dem real sked An wase um! Horraz kine stuff Goin come on top dem, An dey goin mahke cuz a dat!

Songs 89:48

No mo nobody can live An no mahke eva! No mo nobody can do someting Fo get outa da Mahke Peopo Place! (Time out fo da music.)

Rome 8:15

Wen you guys get God Spirit in charge a you, God Spirit no goin make you guys live jalike slaves dat gotta stay sked all da time. Az how was befo time. Wen you get God Spirit in charge a you, you know you stay God kids! Az why he goin lissen wen we yell out, “Daddy!”

Rome 8:21

All da tings God wen make goin come poho. But bumbye, God goin free up all dose tings fo come awesome, fo come jalike how suppose to be. Eryting God make goin come awesome. Az goin be da same ting he do fo make all his kids come free up fo come awesome too.

2 Corint 1:10

Wen we almos mahke, he wen take us outa da bad kine stuff dat wen happen to us guys. An he goin take us outa da bad kine stuff nex time too. We still stay shua he goin take us outa da bad kine stuff ova an ova.

Galatia 4:21

Eh, you guys dat like stick wit da Rules fo get um right wit God, how come you guys no lissen wat da Rules tell?

2 Timoty 1:7

Cuz you know, da Spirit dat God wen sen fo take ova us guys, dass not da kine Spirit dat make us stay sked erytime. He wen sen da Spirit fo take ova us guys fo make us come strong, an get love an aloha, an know how fo stay in charge a eryting we do.

Hebrews 2:16

Fo shua Jesus neva come hea fo help da angel guys. He come fo help da peopo dat come from Abraham.