Hebrews 13:22 - Hawaii Pidgin Bible

²² Eh, my braddahs an sistahs, I like fo you guys hang in dea an lissen da good kine words I stay sen you guys, cuz I ony write you guys dis short kine letta.

Hebrews 13:22 ပူးပေါင်းရင်းမြစ်များ

Jesus Guys 13:15

Da Jew leadas read from da Rules From God, an from wat da guys dat talk fo God befo time write down inside da Bible. Den da Jew leadas sen guys fo tell Paul dem, “Braddahs, if you get good words fo da peopo, try tell us.”

2 Corint 10:1

Dis yoa braddah Paul stay talking. You guys tink I shame fo talk strait wen I stay wit you guys? But I no shame fo talk strait wen I stay one far place. Eh, I stay tell you guys fo lissen me, cuz Christ get one good heart fo you guys, an he give you guys chance.

2 Corint 5:20

Us guys da guys dat talk fo Christ. We tell all da peopo dat God stay beg um fo come back. Cuz us Christ guys, we stay beg you guys, “Eh, come pono wit God.”

2 Corint 6:1

Cuz us guys stay work togedda wit God, we like give you guys good kine words: No let all da good kine stuff God wen do fo you guys stay fo notting.

Galatia 6:11

Look how big I write dis wit my hand!

Efesus 3:3

God show me da secret stuff dat nobody figga out befo time, jalike I write um down litto bit awready.

Hebrews 12:5

You guys foget awready, o wat? God wen give you guys good kine words inside da Bible. An he talk to you guys jalike one faddah talk to his kids. He tell, “My boy, no tink dass notting Wen Da One In Charge tell you dat you wrong. Dass fo help you learn stuff, An fo you no give up wen he tell you dat you do wass wrong.

Hebrews 13:19

Az why I stay tell you guys dis, serious kine: Try tell God fo let me go back by you guys real quick.

Hebrews 2:1

Us guys gotta tink plenny bout all da stuff we wen hear fo us no foget um.

Hebrews 3:1

My braddahs an sistahs, you guys real spesho fo God in da sky. He wen tell all you guys fo come be his guys, an dass wat you guys wen come awready. So try tink lidis bout Jesus! Us guys tell all da peopo dat he da Guy dat God wen sen fo tell peopo wat God tell, an he da Main Pries Guy fo us guys.

Hebrews 4:1

So den, God wen make one promise dat he get one place dat he like give us fo us res inside. An dat promise still stay good fo us today. Az why watch out an come sked if look like any a you guys goin miss out on dis res.

Hebrews 4:11

So den, good fo us guys go all out fo get dat kine res, so dat nobody come jam up cuz dey no trus God, jalike da peopo dat wen come jam up befo time.

1 Peter 5:12

Silas stay help me fo write dis short letta to you guys. He one braddah dat erytime do wat he suppose to do. I wen write all dis fo tell you guys fo hang in dea an no foget dat fo shua God stay do plenny fo you. An trus real good in all dat!