Hebrews 12:7 - Hawaii Pidgin Bible

⁷ Hang in dea an no give up wen God tell you guys you do wass wrong. Dass cuz he tell you dat fo help you guys learn stuff. God make lidat to you guys cuz you his kids. An ery faddah guy tell his kids wen dey do wass wrong fo help dem learn stuff.

Hebrews 12:7 ပူးပေါင်းရင်းမြစ်များ

2 Samuel 7:14

I goin come jalike da faddah fo him, an he goin come jalike my boy. Weneva he jam up, I goin punish him, jalike any faddah guy punish his boy fo teach um.

1 Kings 1:6

From small kid time, weneva Adonijah do bad kine stuff, dat no bodda King David. King David neva aks “How come you stay do dat?!” Cuz David neva like make his boy feel bad. Adonijah one real good looking guy too. He da nex boy dat was born afta Absalom.

Smart Guys 13:24

Da peopo dat no do notting Wen dea kids do someting bad, Dat mean, dey tink da kid no good. Da peopo dat get plenny love an aloha fo dea kids, Dey make shua dey teach um da right way Wen dey still yet small kid.

Smart Guys 19:18

Punish yoa kids wen you gotta, Wen still get chance fo teach um. But no tink az all you gotta do, Cuz if you ony punish yoa kids, Bumbye goin make dem mahke inside.

Smart Guys 22:15

Kids, dey like go all out fo do stupid kine stuff. Az why dey need one good wack Fo make shua dey learn da right way, An fo no tink fo do stupid kine stuff.

Smart Guys 29:15

Teach yoa kids da right way fo ack An use da paddle if dey need um. Den dey goin come da kine peopo Dat know wat fo do erytime. But if you no punish um fo teach um how fo ack, Dey goin make shame fo dea muddah.

Smart Guys 29:17

Wen yoa kids do someting bad, Punish um fo teach um da right ting fo do. Den bumbye, you no need worry bout dem. Den dey goin do all da good kine stuff you wen teach um fo do, Dat goin make you stay real good inside.

Jesus Guys 14:22

Dey give good kine words to da peopo dat stay tight wit Jesus fo help um stick wit da Good Stuff Bout Jesus fo dem trus Jesus. Dey tell, “Us guys gotta suffa plenny befo us guys see God come oua king.”

1 Corint 11:32

Wen Da One In Charge punish us guys, you know, he do dat fo teach us guys da right way. He no like fo us get punish an come wipe out wit all da peopo inside da world bumbye.

Rules Secon Time 8:5

You guys gotta know, wen you like tell yoa boy fo no do da tings he do wrong fo teach um, az how oua God, Da One In Charge, stay tell you guys too fo teach you.

1 Samuel 2:29

So! How come you guys no mo respeck fo da sacrifice dat I tell da pries guys fo make inside my house?! An you, Eli, how come you show mo respeck fo yoa boys den you show fo me?! How I know all dis?! Cuz all you guys eat ony da bestes part a ery sacrifice dat my Israel peopo make fo you come fat. Dass how I know!

1 Samuel 2:34

“ ‘Wat goin happen to yoa two boys, Hofni an Phinehas, goin show you how goin be. Da two boys goin mahke da same day.

1 Samuel 3:13

I tell Eli awready dat I da judge, an I goin punish his ohana foeva. He know dat da way his boys ack, dey give God one bad rep, but Eli neva tell um fo stop.