Hebrews 12:5 - Hawaii Pidgin Bible

⁵ You guys foget awready, o wat? God wen give you guys good kine words inside da Bible. An he talk to you guys jalike one faddah talk to his kids. He tell, “My boy, no tink dass notting Wen Da One In Charge tell you dat you wrong. Dass fo help you learn stuff, An fo you no give up wen he tell you dat you do wass wrong.

Hebrews 12:5 ပူးပေါင်းရင်းမြစ်များ

Job 34:31

“Cuz maybe some guy tell God, ‘I get da blame awready, But I no goin do no mo wat you no like.

Songs 118:18

Da One In Charge punish me real good Fo teach me stuff, But he neva let me mahke.

Songs 119:109

All da time, I no stay shua If I goin mahke, Still yet, I no foget yoa Rules.

Songs 119:16

Wen I tink bout da tings You tell me I gotta do fo you, Make me feel real good inside. I no goin foget da tings you tell.

Songs 119:67

Befo time you wen punish me Cuz I stay go da wrong way. But now, I do wat you tell me fo do.

Songs 119:75

Eh! You Da One In Charge! Dis wat I know: Eryting you tell cuz you da judge, Az da right ting. Weneva you punish me, Az cuz dass da right ting fo do.

Songs 119:83

Jalike I one ol goat skin Somebody wen use fo carry wine Dat come all poho cuz stay Too much time inside da smoke, Dass how I feel inside. Still yet, I no foget Da tings you tell I suppose to do.

Songs 94:12

Eh! Da One In Charge, Da peopo you tell um wen dey wrong Fo help um learn stuff, Da ones you teach from yoa Rules, Dey can stay good inside!

Smart Guys 3:1

Wen I talk to my boy, I tell um, “Da rules I stay teach you, Neva eva foget um. Da tings I stay tell you you gotta do, Learn um real good, So all dat goin stay inside you.

Smart Guys 4:5

Go get da smarts fo know wat fo do, An fo undastan stuff. Da tings I tell, no foget um, An no go way from dem.

Jeremiah 31:18

Fo shua, I hear da Efraim peopo make sad kine noise, Dey tell: ‘You wen punish us guys jalike us one young cow Dat no like learn how fo pull one plow. But now, us guys know dat you wen punish us guys Fo teach us one lesson. Help us go home, an we goin go, Cuz you, oua God, dass Da One In Charge a us!

Sad Song 3:39

How come somebody dat stay alive squawk, Wen Da One In Charge punish dem fo da bad kine stuff dey wen do?

Luke 24:6

Jesus not hea; he wen come back alive! No foget, he wen tell you guys dis wen he still stay wit you guys Galilee side.

Luke 24:8

Den da wahines rememba wat Jesus wen tell.

1 Corint 11:32

Wen Da One In Charge punish us guys, you know, he do dat fo teach us guys da right way. He no like fo us get punish an come wipe out wit all da peopo inside da world bumbye.

Galatia 6:9

We gotta hang in dea, an no get wore out fo do good kine stuff. Cuz bumbye us goin get wat us work fo, if we no give up.

1 Timoty 1:20

Hymeneus an Alexander, dey wen make lidat. Az why I wen turn dem ova to Satan fo him take um, fo dem learn fo no talk bad bout God.

Hebrews 12:7

Hang in dea an no give up wen God tell you guys you do wass wrong. Dass cuz he tell you dat fo help you guys learn stuff. God make lidat to you guys cuz you his kids. An ery faddah guy tell his kids wen dey do wass wrong fo help dem learn stuff.

Hebrews 13:22

Eh, my braddahs an sistahs, I like fo you guys hang in dea an lissen da good kine words I stay sen you guys, cuz I ony write you guys dis short kine letta.

James 1:12

Wen one guy hang in dea, no matta he get presha fo do someting bad, he can stay good inside. He goin get da kine life dat God wen promise to da peopo dat get love an aloha fo him. Dass jalike God give him da prize, cuz he wen fight da bad kine stuff, an win!

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.