Hebrews 12:12 - Hawaii Pidgin Bible

¹² Eh you guys! Jalike da Bible tell, “Wen yoa hands stay drop stuff an yoa knees come weak, make um come strong!”

Hebrews 12:12 ပူးပေါင်းရင်းမြစ်များ

Songs 109:24

I no eat so I can pray, Dass how come I no can stan up. I come all skinny An no mo fat on me.

Isaiah 35:3

So make da peopo come strong, Da ones dea hands shake an stay drop stuff. An dea knees no let um stan up strait.

Ezekiel 21:7

Wen dey tell, ‘How come you stay moaning?’ you goin tell, ‘I stay moaning cuz a da bad kine stuff I stay hear. Erybody goin lose fight. Dea hands goin come weak. Inside, dey all goin give up, an dey goin piss dea pants cuz dey sked. Bad kine stuff goin happen fo shua!’ ” Az wat me Da One In Charge, da Boss, tell.

Ezekiel 7:17

Erybody real sked dey lose fight. Dea knees no can stan strait an dey fall down jalike watta.

Daniel 5:6

His eyes come real big, an he come real sked. His knee stay knock togedda, an he come real weak an he stay shake an he no can tink good.

Nahum 2:10

Da army guys goin rip off all da Nineveh peopo stuffs fo shua! Da Nineveh peopo lose fight an come bum out. Dey stay sked an shaking. Erybody look sked.

Zefaniah 3:16

Dat time, da Jerusalem peopo goin hear dis: ‘No sked, you peopo dat go Zion hill fo pray! No lose fight!

1 Tessalonika 5:14

My braddahs an sistahs, we beg you guys fo do dis: Da guys dat no like work, tell um dey betta work. Da guys dat tink dey nobody, give um good kine words. Kokua da guys dat not strong inside. Hang in dea wit erybody, an no get huhu.

Hebrews 12:3

So tink plenny bout Jesus! How he wen hang in dea an no give up wen all kine bad stuff from all da bad peopo go agains him. If you guys tink bout Jesus lidat, den you guys no goin get tired an lose fight.

Hebrews 12:5

You guys foget awready, o wat? God wen give you guys good kine words inside da Bible. An he talk to you guys jalike one faddah talk to his kids. He tell, “My boy, no tink dass notting Wen Da One In Charge tell you dat you wrong. Dass fo help you learn stuff, An fo you no give up wen he tell you dat you do wass wrong.