Hebrews 11:12 - Hawaii Pidgin Bible

¹² Dass how dis guy Abraham born kids no matta he litto mo mahke awready. An da peopo dat come from him come real plenny an no can count um, jalike no can count da stars inside da sky o da sand on top da beach.

Hebrews 11:12 ပူးပေါင်းရင်းမြစ်များ

Start 15:5

Den Da One In Charge take Abram outside, an tell um, “Eh! Look up dea inside da sky! Count da stars if can! Dass how choke plenny peopo goin come from you! Choke plenny, so no can count um!”

Start 22:17

I goin make eryting come good fo you fo real kine. Da peopo dat goin come from you bumbye, I goin make dem come choke plenny peopo, jalike get plenny stars inside da sky an plenny sand on top da beach. An dey goin take ova da towns wea da peopo dat stay agains dem live.

Start 26:4

I goin make uku plenny peopo come from you bumbye, jalike get plenny stars inside da sky. I goin give dem all da lands aroun hea. All da diffren peopos all ova da world, bumbye wen dey tink bout da peopos dat come from you, dey goin tell, ‘God do good tings fo us guys, cuz a da Abraham ohana!’

Start 32:12

You wen make one promise to me awready, ‘Fo shua, I goin do plenny good kine stuff fo you. I goin make da peopo dat goin come from you come real plenny, dat no can count, jalike da sand on top da beach.’ ”

2 Samuel 17:11

“So az why I tell you fo do dis: Bring togedda by you all da Israel guys, from Dan north side to Beer-Sheba south side. Dey mo plenny den get sand on top da beach, you know! Den you goin be da one dey go wit fo fight.

1 Kings 4:20

All ova da Judah an Israel land, get choke plenny peopo, jalike da sand on top da beach. Dey all get plenny fo eat an drink, an dey stay good inside.

1 Records 27:23

David no count da guys mo young den twenny-one year, cuz Da One In Charge wen promise fo make da Israel peopo come plenny, jalike da stars inside da sky.

Nehemiah 9:23

You give dem plenny kids, Jalike da plenny stars inside da sky. You wen bring dem inside da land. Az da same land Dat you wen tell dea ancesta guys fo take ova.

Outa Egypt 32:13

Tink bout Abraham, Isaac, an Israel, da guys dat work fo you befo time. You wen make one strong promise bout wat you goin do. You tell dat you fo real kine goin do wat you tell you goin do fo dem. You tell dem, ‘I goin make da peopo dat goin come from you come real plenny. Dey goin be jalike da zillion stars inside da sky. Da peopo dat goin come from you, I goin give um da whole land dat I stay talk about fo come dea land foeva.’ ”

Isaiah 10:22

No matta you Israel peopo Get plenny, jalike da sand by da ocean, Ony some a dem goin come back. God tell all da oddas goin come wipe out, Jalike wen da big watta carry um away, Cuz az da right ting fo him do.

Isaiah 48:19

I wen like fo yoa kids come plenny Jalike da sand on top da beach Dat no mo nobody can count, But dey no goin come plenny! I wen like fo dem no come wipe out foeva An no get cut off from me, But now, dey goin come wipe out! Dass wat Da One In Charge tell.

Jeremiah 33:22

I goin make my worka guy David ohana an da Levi ohana dat make religious kine ceremonies in front me, come real plenny peopo, jalike all da stars inside da sky, an da sand on top da beach.”

Hosea 1:10

Bumbye da Israel peopo goin come plenny, jalike da sand on top da beach dat you no can eva count o measure um. But inside da same place wea I wen tell dem, ‘You guys not my peopo no moa,’ laytas peopo goin call dem ‘da peopo dat stay tight wit da God dat stay alive.’

Habakkuk 1:9

Dea army come fo bus up erybody. All dea guys togedda come fas Jalike da wind dat come from da boonies. Dey catch plenny prisonas, Jalike da plenny sand on top da beach.

Rome 9:27

Befo time, Isaiah talk fo God inside da Bible. He tell, “Get choke plenny peopo dat get Israel fo dea ancesta guy. Da ohana big, jalike da sand on top da beach, No matta God goin take ony litto bit peopo Outa da bad kine stuff dey do.

Rules Secon Time 1:10

Yoa God, Da One In Charge, make you guys come plenny peopo awready. Az why today you guys stay plenny jalike da stars inside da sky.

Rules Secon Time 28:62

You guys was real plenny peopo, jalike da stars inside da sky, but you guys goin come ony litto bit peopo, cuz you neva lissen yoa God, Da One In Charge.

Joshua 11:4

All dose king guys come out wit all dea plenny army guys an plenny horses an war wagons. Dey real plenny, jalike da sand on top da beach.

Jesus Show 20:8

Den Satan goin go out fo bulai all da diffren peopos all ova da world. Dass da Gog an Magog peopo. He goin bring um all togedda fo fight. Dey real plenny—jalike all da sand on top da beach.

Local Leadas 7:12

Da Midian guys, da Amalek guys, an da odda guys from da east side wen stay inside da valley. Dey get plenny guys, jalike locust kine grasshoppas. No can count dea camels, jalike no can count da sand on top da beach.

1 Samuel 12:5

Samuel tell um, “An I neva do notting lidat. Today, Da One In Charge know all dat, an da king he wen pick, he know all dat too. An if bumbye you guys poin finga me, dey goin tell dat dey know you guys wrong!” Da peopo tell, “Yeah, fo shua! Da One In Charge an da King goin grumble bout us guys!”