Hebrews 10:4 - Hawaii Pidgin Bible

⁴ Cuz da blood from da cows an da goats no mo powa fo hemo da shame fo all da bad kine stuff peopo do!

Hebrews 10:4 ပူးပေါင်းရင်းမြစ်များ

Songs 51:16

Fo make you stay good inside, Da sacrifices I make Not da main ting! Jus cuz I make One burn up kine sacrifice, Dat no make you feel good Bout me, you know!

Isaiah 66:3

But da odda kine guys, Dey do wat dey goin do, An feel real good inside Wen dey stay do dat kine pilau stuff. Wit dem, wen dey kill one cow fo make sacrifice, Az bad, cuz az jalike dey wen kill one guy. Wen dey kill one bebe sheep fo make sacrifice, Az bad, cuz az jalike dey wen broke one dog neck. Wen dey give one wheat offering, Az bad, cuz az jalike dey wen give pig blood fo make sacrifice. Wen dey burn incense fo God no foget dem, Az bad, cuz az jalike dey stay talk good bout dea idol kine god.

Jeremiah 6:20

You guys tink I like da incense from Sheba Dat you burn fo me?! No way! You tink I like da sweet calamus reed from one far place Dat you bring fo me?! Not even! I tell “Laytas” to yoa burn up kine sacrifices! Yoa odda kine sacrifices no make me feel good inside!’ ”

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Hosea 6:6

Cuz make me feel good, Wen you guys stay tight wit me, Mo den wen you jus make sacrifice. Make me feel good, Mo den wen you jus make one burn up kine sacrifice Wen you guys know dat I God.

Mark 12:33

Us guys gotta go all out fo show love an aloha fo him wit eryting inside us, wit how we tink, an wit all oua powa. An we gotta go all out fo show love an aloha fo odda guys jalike we get love an aloha fo us. Dass mo importan den make da burn up kine offering an da odda sacrifices.”

John 1:29

Da nex day John spock Jesus stay coming by him, an he tell, “Eh, you guys, try look da guy ova dea! You know wat? He jalike God bebe sheep fo da sacrifice. He hemo da shame fo da bad kine stuff dat erybody inside da whole world stay do!

Rome 11:27

An I goin hemo dea shame fo da bad kine stuff dey wen do. I goin make one spesho deal wit dem”

Hebrews 10:1

Da Rules ony jalike one shadow. Dey not even one good picha a da good kine tings dat goin happen bumbye. Da Rules not da main ting. Dass why da Rules no can eva make da peopo perfeck dat like come tight wit God fo go show him love an respeck. No matta dose peopo make sacrifice ery year, jalike da Rules tell um fo do.

Hebrews 10:11

An anodda ting, ery day all da pries guys do dea work fo God. Ova an ova dey make da same kine sacrifices. But you know, dose sacrifices no can get throw out da bad kine stuff, eva.

Hebrews 10:8

Firs ting Christ tell, “You no like sacrifices an gifs dat dey bring Wen dey kill animals Cuz dey sorry dey wen do bad kine tings, An wen dey burn da whole animal fo make one sacrifice, Dat no make you stay good inside.” Wen Christ talk lidat, he stay talk bout da stuff da peopo stay do cuz da Rules tell dey suppose to do um.

Hebrews 9:9

All dat stuff jalike one picha fo teach us guys nowdays. Dat stuff show dat da gifs an animal sacrifices da pries guys give God fo da peopo, all dat kine stuff no mo powa. Cuz all dat no hemo da shame dat da peopo get inside fo da peopo dat like pray to God.

1 John 3:5

You guys know dat Christ wen come fo throw out da bad kine stuff we wen do. Christ, he no do bad kine stuff, eva!