Hebrews 10:22 - Hawaii Pidgin Bible

²² Az why, us guys goin come tight wit God. Inside, we goin like do wass pono an go all out fo trus God. Cuz God know dat all da bad kine stuff inside us no mo awready. Dass jalike he wen sprinkle us guys clean inside, an wash oua bodies clean wit clean watta.

Hebrews 10:22 ပူးပေါင်းရင်းမြစ်များ

1 Kings 15:3

King Abijam wen do any kine bad kine stuff, jalike his faddah Rehoboam wen do befo time. Az cuz inside, Abijam neva get um right wit his God, Da One In Charge. He no ack jalike his ancesta guy David, dat wen stay tight wit God.

1 Records 12:33

Zebulun guys dat go out fo fight, an stay ready fo war wit all kine stuffs fo fight, 50,000 guys dat go all out fo help David.

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

1 Records 29:17

My God, I know fo shua dat you da One tes eryting us guys tink. I know fo shua dat you stay good inside wen us guys do wass right. I wen give all dis stuff cuz I like give um fo real kine. An now I stay good inside cuz I see yoa peopo dat stay hea, giving you plenny stuff cuz dey like give um.

Songs 111:1

Eh you guys! Tell good tings Bout Da One In Charge! Weneva da peopo dat stay do wass right Come togedda, I goin go all out fo tell How awesome Da One In Charge stay.

Songs 119:10

Eh God! I go all out fo find you. Eh! No let me get side track From da tings you tell me fo do!

Songs 119:145

I go all out fo yell fo you help me. Eh! You Da One In Charge! Do someting! Help me fo do wat yoa Rules tell!

Songs 119:2

Get peopo dat lissen up real good Erytime Da One In Charge Tell um watch out fo someting. Dey stay try fo know him Wit one good heart. Dey da ones can stay good inside!

Songs 119:34

Help me fo undastan da Rules you give, So den fo shua I goin do um.

Songs 119:58

I go all out fo make you feel good bout me. You get one good heart. Az why I like you do good tings fo me, Jalike you tell you goin do.

Songs 119:69

Da peopo dat ack Jalike dey no gotta lissen you, Dey bulai plenny Fo make my rep bad. But me, I go all out Fo do wateva you tell me fo do.

Songs 119:7

All da time I stay learn How you erytime judge peopo Da right way. Cuz a dat, I no goin hold back Fo tell good tings bout you!

Songs 119:80

Den I goin go all out Fo do wat you tell I gotta do. Cuz a dat, I no goin come shame.

Songs 32:11

Eh! All you peopo dat get um right Wit Da One In Charge, Stay good inside, Cuz you stay tight wit him! All you guys dat get one good heart Fo do da right ting, Dance an sing, Cuz you stay real good inside!

Songs 51:10

Eh God! Put inside me One new kine heart Dat ony tink good an clean kine stuff. Give me one new kine attitude Dat no change.

Songs 73:28

Fo me, da bestes ting is dis: Fo me come mo tight wit you, God. Eh! Da One In Charge, my Boss, I go by you fo you proteck me! I goin tell erybody Bout all da awesome tings You stay do!

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Songs 9:1

Eh! You Da One In Charge! I goin tell good tings bout you From deep inside me. I like tell all bout all da awesome tings you do.

Songs 94:15

Den bumbye, da judge guys Goin judge da right way, An cuz a dat, All da peopo dat stay pono inside, Dey goin do eryting da right way too.

Outa Egypt 29:4

“Den bring Aaron an his boys ova dea in front da Tent Fo Come Togedda Wit Me, in front da door. Wash dem in watta.

Smart Guys 23:26

Eh my boy, let me teach you how fo tink good! Wen you watch how I stay live, I like you stay real good inside bout wat you see.

Isaiah 29:13

My Boss tell: “Dis peopo tell dey mines, But dey ony mout! Dey talk jalike dey get respeck fo me. But ony mout dem! Inside dey stay far from me. Wen dey like show love an respeck fo me, Dey ony copy da words dey wen learn From da rules odda peopo tell um fo do.

Isaiah 52:15

He goin shock erybody in plenny countries Cuz a da way he look. Cuz a dat, even da king guys Goin stay futless An no can say notting. Dey goin see stuff dat nobody tell um bout. Dey goin start fo undastan stuff dey neva hear bout.”

Jeremiah 24:7

I goin give dem da kine heart fo know fo shua who me. Dey goin know dat me, dea God, Da One In Charge! Dey goin come my peopo, an I goin come dea God. Cuz dey goin go all out fo come back by me.’

Jeremiah 3:10

An cuz a wat da Israel peopo stay do, dea sistah guys da Judah peopo, dat stay ack jalike one wahine you no can trus. Dey no go all out fo come back by me. Dey ony ack!” Az da message from Da One In Charge.

Jeremiah 30:21

Da numba one guy fo dem goin be one a dea guys. Dea leada guy goin come from dem. I goin let him come nea me, An he goin come. Cuz peopo goin come sked fo come nea me, If I no tell um, can!” Az wat Da One In Charge tell.

Ezekiel 16:9

“ ‘I wen bafe you wit watta, an wash da blood off from you, an put olive oil on top you.

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Prieses 14:7

Den da pries goin sprinkle da guy dat like come clean one mo time fo come in front me, Da One In Charge, seven time. An he goin tell erybody dat now, stay okay fo da guy come in front me one mo time. Den he goin let go da bird dat stay alive, fo fly away inside da fields.

Prieses 16:4

An he gotta bafe firs in watta, cuz he goin put on da pries kine clotheses dat stay spesho fo me. He goin put on da spesho long kine linen shirt, wit linen beebz unda um, den tie da linen sash aroun his wais, an put on da pries kine hat.

Prieses 8:6

Den Moses bring Aaron an his boys in front da peopo. Den he tell dem fo go wash dea body wit watta.

Zekariah 13:1

Da One In Charge tell dis: “Dat time, jalike God goin open one puka fo watta fo da David ohana an da peopo inside Jerusalem. An from dat watta, dey goin make dea peopo come clean inside from all da bad an pilau kine stuff dey wen do.”

Census 8:7

Fo make dem come spesho fo me, make lidis: Sprinkle spesho kine watta on top dem fo hemo da shame fo da bad kine tings dey wen do. Den make dem shave all ova dea bodies, an wash dea clotheses. Dass how dey goin come clean fo come in front me.

Matthew 3:11

“All you guys, I goin baptize you guys wit watta. Dat goin show dat you guys come sorry fo do all da kine bad stuff you stay do an no do um no moa. But afta me, goin come anodda guy. He get mo powa den me. An you know wat? I not even spesho enuff fo help him hemo his slippas. Da way he goin baptize you guys, jalike he goin baptize you guys wit da Good An Spesho Spirit fo take ova you, jalike he baptize you guys wit fire!

Luke 1:1

Aloha, my fren Teofilus! Plenny guys wen write down da tings dat wen happen wit us guys.

John 3:5

Jesus tell him, “Dass right! An I tell you dis too: Whoeva not born one mo time from watta an from God Spirit, dey no can get God fo dea king.

John 8:9

Wen dey hear dat, dey come shame cuz dey know dey do bad kine stuff too. So dey all go way, one afta da odda, da older guys firs, an den da younga guys. Den get ony Jesus an da wahine stay standing dea.

Jesus Guys 22:16

An now, wat you stay waiting fo? Stan up, get baptize. An all da bad kine stuff you wen do, Da One In Charge goin clean um up an throw um away cuz you aks him fo help you.’

Jesus Guys 8:21

You no can work fo God wit us cuz God see dat you no stay right wit him inside.

1 Corint 6:11

Dass how some a you guys was befo time. But God, he make you guys come clean from all da bad kine stuff you wen do. He make you guys come spesho fo him an make you guys get um right wit him. All dat happen cuz you guys stay tight wit Da One In Charge. Az Jesus, God Spesho Guy. An you stay tight wit oua God Spirit too.

2 Corint 7:1

My frenz, we get all dis stuff God wen promise us. Dass why us guys gotta clean out all da bad kine stuff dat make us pilau inside o outside, an go all out fo come clean an spesho fo God fo real kine, cuz we get real plenny respeck fo him jalike we sked him.

Efesus 3:12

An us guys dat stay tight wit Christ, fo shua we no need hold back cuz garans us can talk to God any time we like. We trus him, az why we do dis.

Efesus 5:26

Christ do all dat fo make dem good an spesho fo God cuz jalike he wash um an clean um up inside wit watta. Da stuff Christ tell um, dass wat make dem come clean inside.

Efesus 6:5

Same same fo you slave worka guys: Lissen real good yoa boss guys on dis earth. Show respeck fo dem an come sked if you no do da right ting. Do um wit one good heart, jalike you do um fo Christ.

1 Timoty 4:2

Dey tell one ting an do da odda, an dey bulai. Inside notting bodda dem wen dey do wass wrong, an dey no feel sorry notting wen dey do bad kine stuff.

Titus 3:5

God get us outa da bad kine stuff, but he neva do dat jus cuz us wen do good kine stuff. He do um cuz he like give us chance. He give us guys his Good An Spesho Spirit, dat clean us up an make us jalike come new inside. Az jalike us born one mo time.

Hebrews 10:1

Da Rules ony jalike one shadow. Dey not even one good picha a da good kine tings dat goin happen bumbye. Da Rules not da main ting. Dass why da Rules no can eva make da peopo perfeck dat like come tight wit God fo go show him love an respeck. No matta dose peopo make sacrifice ery year, jalike da Rules tell um fo do.

Hebrews 10:19

So den, my braddahs an sistahs, now us stay shua we no need hold back fo go any time inside da place dass spesho fo God fo real kine. We get da right fo do dat cuz Jesus wen go bleed an mahke fo us.

Hebrews 11:28

An cuz Moses wen trus God, he do jalike God tell um fo do, fo tell da peopo fo make da Passova sacrifice, an sprinkle da sheep blood all aroun dea doors. Den God no let da killa angel guy wipe out da numba one boy inside da houses dat get da blood on top da door.

Hebrews 12:24

An you guys come togedda wit Jesus too. He da middo man fo da New Deal God make. Was jalike wen Jesus bleed an mahke fo make solid da promise fo da New Deal. An dat deal, mo betta den how was befo time wen da guy Abel wen bleed an mahke.

Hebrews 4:16

So den, no need come sked. Us guys gotta come strong fo go in front God throne, cuz he like do plenny good kine stuff fo help us. He goin give us chance, an wen we need kokua, he goin kokua us.

Hebrews 6:11

Same ting, now we like all you guys fo show dat you guys go all out jalike befo time. Den you guys goin hang in dea fo shua, an know fo shua dat God goin do eryting he wen promise fo do.

Hebrews 7:19

An you know, da Rules neva make nobody come perfeck. Now, God give us someting mo betta. So den, now us stay shua we goin trus him. An cuz a dat, we stay tight wit him.

Hebrews 9:10

Dat sacrifice stuff dey make, dass ony bout how da peopo can o no can eat an drink stuffs, an all da diffren kine ways dey suppose to wash diffren kine tings. But you know, dass ony rules bout da outside kine stuff dey suppose to do. Wen God make eryting come new, no need all dat.

Hebrews 9:19

Dat time, Moses wen tell all da peopo eryting dat God tell dem dey gotta do. Den he make one sacrifice from cows an goats, an take da blood wit watta, an dark red wool string fo tie togedda oregano branches, an sprinkle da blood on top da Book dat tell wat God tell, an sprinkle um on top all da peopo dea too.

James 1:6

But if you goin aks him fo do someting, you gotta trus him. No ack jalike you no can make up yoa mind. Da guy dat no stay shua, he jalike one wave inside da ocean dat da wind stay blow all ova da place.

James 4:8

So, come close to God, an he goin come close to you. Eh, you guys dat stay do da bad kine stuff—go clean up inside! You guys dat stay ack jalike you get two brain, you gotta make shua you all clean fo God!

1 Peter 1:2

God da Faddah wen pick you guys fo be his guys cuz he know you guys long time befo you was born. God Spirit wen make you guys spesho fo him fo you do eryting Jesus Christ tell you fo do. Jesus wen mahke fo you guys! Wen you guys do eryting Jesus tell you fo do, dass good. Dass jalike God sprinkle Jesus blood on top you guys fo show dat you stay spesho fo him. I like God do plenny good tings fo you guys an help you guys so notting bodda you.

1 Peter 3:21

Da flood, dass jalike one picha wen you guys get baptize. Dat show dat God stay take you guys outa da bad kine stuff you do cuz Jesus Christ wen come back alive one mo time. Wen dey baptize you, dat no mean you jus bafe fo clean yoa body. Dat mean you stay aks God fo make you come clean inside fo know you stay do da right ting.

Jesus Show 1:5

An Jesus Christ, da Spesho Guy God Wen Sen, I like him do plenny good tings fo you guys. Can trus him fo tell da trut bout wat God tell him. He da firs One dat come back alive from mahke. He da main leada ova all da kings inside da world. He da One dat get love an aloha fo us guys. He wen bleed an mahke, An make us come clean From all da bad kine stuff we do.