Hebrews 10:13 - Hawaii Pidgin Bible

¹³ From dat time Christ stay wait fo da time wen bumbye God goin make all da peopo dat go agains Christ go down in front him. God do dat fo show dat Christ wen fight an win ova dem.

Hebrews 10:13 ပူးပေါင်းရင်းမြစ်များ

Songs 110:1

Dis wat Da One In Charge Tell my boss, da king: “Sit down hea, my right side, Da place dat show I get plenny respeck fo you. Wait till I bring Da peopo dat stay agains you Fo you put yoa foot on top dem Fo show dat you da winna ova dem.”

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Matthew 22:44

“ ‘Da One In Charge, He tell my Boss, “Go come ova hea, sit down! Dis da importan place by my right side. Bumbye I goin make da peopo dat go agains you Go down ova dea in front you, Fo show dat you da winna ova dem.” ’

Mark 12:36

You know, God Good An Spesho Spirit wen tell David fo tell dis: “ ‘Da One In Charge, He tell my Boss, “Go come ova hea, sit down! Dis da importan place by my right side. Bumbye I goin make da peopo dat go agains you Go down in front you, Fo show dat you da winna ova dem.” ’

Luke 20:43

Bumbye I goin make da peopo dat go agains you Go down in front you, Fo show dat you da winna ova dem.” ’

Jesus Guys 2:35

Bumbye I goin make da peopo dat go agains you Go down in front you, Fo show dat you da winna ova dem.” ’

1 Corint 15:25

Christ gotta stay da King, you know, till God bus up all da peopo dat go agains Christ fo show dat Christ da winna ova dem.

Hebrews 1:13

God neva tell dis to da angel guys, but he tell dis to his Boy: “Go come ova hea, sit down! Dis da importan place by my right side. Bumbye I goin make da peopo dat go agains you Go down in front you, Fo show dat you da winna ova dem.”