Hebrews 1:9 - Hawaii Pidgin Bible

⁹ You stay plenny good inside wen peopo do da right ting, An wen peopo broke da Rules, you had it wit dat. Az why you da one I wen pick from all da guys dat stay by you. Az why I put olive oil on top yoa head fo show dat you da King, An dat you feel mo betta inside Den anybody!”

Hebrews 1:9 ပူးပေါင်းရင်းမြစ်များ

Songs 11:5

Da One In Charge, he look good on da peopo dat do wass right, An on da peopo dat do real bad kine stuff too. Deep inside, he hate da peopo Dat like bus up odda peopo.

Songs 119:104

Da tings you tell me I gotta do Help me fo undastan all kine stuff. Dass why piss me off Da way some peopo bulai odda peopo.

Songs 119:128

Dass why all da tings you tell I gotta do, I know fo shua, dey right. An I hate wat peopo do Wen dey bulai odda peopo.

Songs 2:2

Get king guys all ova da world stan up An tell wat dey goin do. Da leada guys come togedda fo talk Agains Da One In Charge An agains da spesho guy He pick fo come king!

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 23:5

You set up da tables An put food on um in front me, Fo da guys dat stay agains me See wat you do fo me. You put olive oil on top my head Fo show you get aloha fo me. You make shua my drinking cup Stay full erytime.

Songs 33:5

He feel good wen peopo do da right ting An judge da right way. All ova da world, Da One In Charge Erytime stay tight wit his peopo.

Songs 37:28

Cuz Da One In Charge, He like fo peopo do wass right, An he no foget da peopo Dat stay tight wit him. Dose peopo, God goin take kea dem Foeva! But da peopo dat do da bad kine stuff, Even dea kids goin get cut off From God foeva!

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

Songs 45:6

God give you da right fo sit On top yoa throne foeva, Cuz you do eryting da right way. An dass how come You carry da spesho stick Dat show you da king.

Songs 45:7

You like wen stuff stay right An no like wen stuff stay wrong. Dass why God wen pick you Fo come da king. He wen pour olive oil on top yoa head, An not on top yoa frenz head, Fo you stay good inside Cuz he wen pick you.

Songs 89:20

I wen go find David, An he work fo me. I wen put da oil dat stay spesho fo me On top his head, Fo show I wen pick him.

Songs 89:26

He goin tell me, ‘Eh God, you my faddah! You da God fo me. You get me outa trouble cuz you strong Jalike one big rock.’

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Isaiah 61:1

Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.

Isaiah 61:3

Da One In Charge sen me fo help da peopo Mount Zion side Dat stay sad inside. He tell me fo give dem One nice haku lei fo put on top dea head, An take away da ashes. An make dem stay feel good inside wit perfume Fo dem no stay sad inside no moa. He sen me fo give um one nice robe fo wear Dat make erybody like tell, “Da One In Charge, da greates!” So dea spirit no feel jalike dey lose fight no moa. Dey goin show dat Da One In Charge make dem get um right wit him, Jalike dey strong oak trees dat Da One In Charge wen plant Fo show how awesome he stay.

Isaiah 61:8

Cuz me, Da One In Charge, Wen peopo judge da right way Dat make me feel good inside! Wen peopo steal stuff cuz dey bad, I no like dat. Dey can trus me fo do wat I tell I goin do. I goin give dem wat dey wen work fo, An make one deal wit dem dat stay foeva.

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Zekariah 8:17

No go make plan fo do someting bad to da guys dat live nea you! No go tink az good you bulai wen you make one strong kine promise! I hate all dat kine stuff!” Az wat Da One In Charge tell.

Census 7:43

His present was one silva plate dat weigh bout three an one quarta poun; one silva bowl fo sprinkle blood dat weigh bout one an three quarta poun, dey weigh um jalike fo da Place Dat Stay Spesho Fo God. Dey stay fill up wit fancy kine flour mix wit olive oil, fo make one wheat kine sacrifice;

Luke 4:18

“Da Good An Spesho Spirit from Da One In Charge stay in charge a me, Dass why he sen me fo teach da peopo dat no mo notting Da Good Kine Stuff From God. He sen me fo tell da prisona guys Fo dem come free now. An tell da peopo dat no can see, Fo dem see now, An tell da peopo Dat dey no goin suffa no mo From da guys dat make any kine to dem,

John 1:41

Da firs ting Andrew do, he find his braddah Simon an tell him, “Us wen find da Messiah.” (“Messiah,” dat mean “da Christ Guy, da Spesho Guy God Wen Sen,” dea language.)

John 10:17

“Dis how my Faddah show love an aloha fo me: cuz I goin mahke fo come back alive one mo time.

John 20:17

Jesus tell, “No touch me, cuz I no go up by my Faddah yet. But go by my braddahs an sistahs an tell um, I goin go up dea by my Faddah an yoa Faddah, an by my God an yoa God.”

John 3:34

Da Guy God Wen Sen tell wat God tell, cuz God no hold back wen God give him his Spirit.

Jesus Guys 10:38

An God give Jesus from Nazaret his Good An Spesho Spirit an powa. Jesus go all ova da place, an do da good kine stuff. Da Devil take charge a plenny sick peopo wit his powa, but Jesus even make dem all come good. Jesus do dat cuz God stay wit him.

Jesus Guys 4:26

Da king guys from all ova da world stan up, An dea leadas come togedda fo fight Da One In Charge An go agains da Spesho Guy He Wen Sen.’

Jesus Guys 4:27

“An dass wat wen happen! Had King Herod an da govna Pontius Pilate, an da peopo dass not Jew guys, an da Israel peopo. Dey all come togedda inside dis town fo make one plan how dey goin kill Jesus. He yoa Good An Spesho Worka Guy, da One You Wen Sen.

Rome 12:9

Wen you show peopo love an aloha, do um fo real kine, no ack. Hate all da bad kine stuff, an stay tight wit da good kine stuff.

Rome 15:13

I like you guys stay real good inside an notting bodda you cuz you trus God. Him da God dat make you guys stay shua bout wat goin happen bumbye, fo eryting come out good kine. Den da Good An Spesho Spirit goin make you guys mo strong fo wait fo wat God goin do fo you guys bumbye.

1 Corint 1:9

God, he da One dat tell you guys fo come tight wit his Boy Jesus Christ, Da One In Charge a us guys. You guys can trus God erytime fo do wat he tell he goin do.

2 Corint 11:31

Jesus, he Da One In Charge, an God, he Jesus Faddah. God, he know I no bulai. Erytime us guys tell erybody dat God stay good foeva.

Galatia 5:22

But if us stay tight wit God Spirit, he give us plenny love an aloha fo erybody. He make us stay real good inside. He help us so notting bodda us. He help us guys hang in dea wit odda peopo long time. He help us tink good bout eryting, an like do good kine stuff fo peopo. He help us fo do wat we promise fo do.

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.

Philippi 2:9

Dass why God make Jesus da Main Guy. He give him one spesho name, Fo tell wat kine guy him. Cuz he mo importan den all da big name guys!

Hebrews 2:11

Jesus make peopo good an spesho fo God. An him an dem, dey all get da same Faddah. Az why Jesus no shame fo call dem “my braddahs an sistahs.”

Hebrews 2:9

But get one Guy dat “fo short time, da angel guys was litto bit mo importan den him.” Dass Jesus! Cuz Jesus wen go suffa an mahke fo erybody, God “make him awesome, an show him plenny respeck, jalike God go put one crown on top his head.” Dass how God do plenny fo us guys, cuz Jesus wen suffa an mahke fo us no need get punish.

Hebrews 7:26

Jesus, he da right kine Main Pries Guy fo us guys: He stay good an spesho fo God. Nobody can poin finga him notting. He stay clean inside. He stay diffren den all da peopo dat stay do bad kine stuff. An God make him mo importan den eryting inside da world o inside da sky.

1 Peter 1:3

I like erybody tell how good God oua Faddah stay, an how good his Boy Jesus Christ, Da One In Charge, too. God, his Faddah, he give us guys plenny chance. Wen Jesus Christ wen mahke, he come back alive! So den, Christ wen give us one new kine life, jalike we wen born one mo time. Us guys stay trus Christ cuz we know fo shua wat he goin do fo us bumbye.

1 John 1:3

Us guys wen see an hear all dat. Az why now us stay tell you guys wat he tell fo you guys come tight wit us. All us stay tight wit da Faddah an his Boy Jesus Christ, da Spesho Guy God Wen Sen.

Jesus Show 2:15

Same ting wit you guys, aah? You guys get peopo ova dea dat still yet do da bad kine stuff da Nicolaitan guys teach.