Hebrews 1:7 - Hawaii Pidgin Bible

⁷ Dis wat God tell bout da angel guys: “I make my angel messenja guys jalike da winds. I make da angel guys dat work fo me jalike da fire.”

Hebrews 1:7 ပူးပေါင်းရင်းမြစ်များ

Start 3:24

Afta God throw um out, he put spesho angels watcha tings dat stay alive ova dea on da east side a da place he wen plan, Eden side. He put one sword dea too, wit fire dat come out, an dat move all aroun fo nobody go nea da Tree Dat Make You Live Foeva.

1 Kings 22:19

Den Mikaiah tell some moa: “Az why you betta lissen dis ting wat Da One In Charge tell! “I wen see Da One In Charge. He stay sit on top his throne. All da armies inside da sky, Dey stan aroun him, on da right side an on da lef side.

2 Kings 2:11

Wen dey stay walk an talk togedda, right den an dea one war wagon on fire an horses on fire show up, an make da two guys go apart. Den Elijah go up inside da sky inside one whirlwind.

2 Kings 6:17

Den Elisha pray lidis: “Da One In Charge, open my worka guy eyes fo him see.” Den Da One In Charge open da worka guy eyes. He look, an he see all ova da hills aroun da town, get real plenny fire kine horses an war wagons, all aroun Elisha.

Songs 104:4

God use da winds fo his messenja guys. He sen da hot fire fo work fo him.

Isaiah 6:2

Angel guys dat look jalike fire fly up all aroun him. All dem get six wings. Dey cova dea face wit two a dea wings, dea feets wit two odda wings, an dey fly wit dea odda two wings.

Daniel 7:10

From wea he sit, Can see one fire dat look jalike one riva stay burn. Da fire stay go out from in front him. Plenny tousan angel guys do his work, Millions a angel guys stay by him. Den da judge guys sit down fo start dea work An dey open da books Dat tell wat da peopo wen do.

Zekariah 6:5

Da angel tell me, “Dese, da four spirits from da sky. Dey stay go out afta dey wen stan in front da Boss Fo Da Whole World.

Hebrews 1:14

All da angel guys, dey da good spirits dat work fo God. He sen um all ova fo help da peopo come outa da bad kine stuff dey stay do cuz dose peopo his kids.