Haggai 2:22 - Hawaii Pidgin Bible

²² I goin throw out kings an dea thrones, an wipe out da powa dat da kings from da odda lands get. I goin wipe out da war wagons an da guys dat ride um. Da horses goin fall down an da guys dat ride um goin kill each odda.

Haggai 2:22 ပူးပေါင်းရင်းမြစ်များ

2 Records 15:6

One peopo bus up anodda peopo, an da peopo from one town bus up da peopo from anodda town, cuz God make all kine big trouble fo dem.

2 Records 20:22

Same time da singa guys start fo sing loud an tell good tings bout Da One In Charge, get odda guys dat stay hide nea da odda army. Was Da One In Charge put um ova dea. Dey go jump da guys from Ammon, Moab, an da Seir Range dat stay come fo fight da Judah peopo. Da guys dat stay hide jam up da odda guys lidis:

2 Records 20:23

Firs ting, da Ammon an Moab guys attack da Mount Seir guys an wipe um all out. Afta dey pau kill all da Mount Seir guys, den all da Ammon an Moab guys help fo wipe out each odda.

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

Songs 76:6

Wen you scold dem, Da horses an da guys dat ride um Fall down an pass out, Cuz you da same God Oua ancesta Jacob wen pray to.

Outa Egypt 14:17

You know wat I stay do? I stay make da Egypt army guys get real hard head fo dem chase afta you guys. Den, I goin use da Pharaoh guy an all his army guys an his war wagons an his horse rida guys fo make erybody know how awesome I stay!

Outa Egypt 14:28

Da watta come back an cova ova da war wagons, an da horse rida guys, an all da Pharaoh army guys dat wen go chase da Israel peopo inside da Red Sea. Not even one a dem get outa dea.

Outa Egypt 15:19

Afta da horses from Pharaoh, wit da war wagons an da horse ridas, go inside da sea, Da One In Charge make da sea watta go back ova dem. But da Israel guys, dey wen walk thru da middo a da Red Sea on top da dry groun.

Outa Egypt 15:4

“Da Pharaoh guy wen sen army guys an wagons fo war. But God, he throw um inside da sea! Even da bestes officer guys dat Pharaoh get, Dey go down awready inside da Red Sea.

Isaiah 19:2

God tell: “I goin make da Egypt peopo go agains each odda. One braddah goin fight his braddah. One guy goin fight his frenz. Da peopo inside one big town goin fight Da peopo inside anodda big town. One king guys goin fight anodda king guys.

Isaiah 60:12

Cuz da king o country dat no help you guys, Da peopo goin mahke An da country goin get wipe out.

Isaiah 9:19

Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Ezekiel 21:27

All bus up! Jerusalem town goin come all bus up! Me, Da One In Charge, goin bus um up! Eryting goin stay all bus up till da one dat come get da right fo take um ova. Dass da one I goin give um to!”

Ezekiel 26:16

Den all da prince guys fo da coast towns goin come off dea thrones an hemo dea robes an fancy kine embroida stuff. Dey goin sit on top da groun, real sked an shaking all da time. Dey goin come bum out cuz a stuff stay happen stay happen to you Tyre peopo!

Ezekiel 38:21

I goin fight Gog on top all my mountains. All you Gog guys goin use yoa swords fo fight each odda. Az wat me Da One In Charge, da Boss, tell.

Ezekiel 39:20

From my table, you guys goin come full cuz you eat up plenny horses an da guys dat ride um, spesho forces guys, an all kine army guys.’ Az wat me Da One In Charge, da Boss, tell.

Daniel 8:25

He goin know how fo bulai peopo. He goin tink he mo betta den erybody. Wen peopo tink eryting stay okay, he goin wipe out plenny a dem. An he even goin go agains da King ova all da king guys. But goin get somebody dat goin smash him, an whoeva do dat no goin be one guy.

Amos 2:15

Da guy dat shoot arrow, He no goin stay standing. Da guy dat run fas, He no goin get outa dea. Da guy dat ride horse, He no goin stay alive.

Micah 5:10

Da One In Charge tell: “Dat time, I goin wipe out yoa war horses, An bus up yoa war wagons.

Micah 5:15

I goin stay real huhu. I goin punish all da peopos, Da ones dat no lissen wen I tell um wat fo do.”

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Micah 5:9

You guys goin come strong enuff Fo win ova da peopo dat stay agains you. All dose guys goin come wipe out.

Micah 7:16

Wen da odda peopos see dat happen, dey goin come shame, Cuz dey no mo powa. Dey goin put dea hand on top dea mout Cuz dey donno wat fo do. Dey no can hear notting dat time.

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Zekariah 10:11

Dey goin go thru trouble jalike thru one ocean. But I goin make da wild ocean waves come quiet. An da deep places inside da Nile Riva goin come dry. Da Assyria peopo get big head, but I goin bring um down, An da Egypt king goin get wipe out.

Zekariah 10:5

Togedda dey goin be strong jalike army guys Dat step all ova da ones dey fight in da mud. Cuz Da One In Charge stay wit dem, Dey goin fight an win even ova da guys on top da horses.

Zekariah 12:9

Dat time, I goin start fo wipe out all da peopos dat go afta Jerusalem.

Zekariah 14:3

Den Da One In Charge goin go out fight dose peopos jalike he wen fight befo time.

Zekariah 4:6

Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa!

Zekariah 9:10

He goin take away da war wagons from da Efraim peopo, An da war horses from Jerusalem. He goin broke da bow dey use fo fight. He goin tell da peopos dey gotta come good wit each odda. He goin be da leada from one sea to da odda sea, An from da Eufrates riva to da end a da world.

Matthew 24:7

Goin get fighting. One country goin start fo fight anodda country. One king goin fight anodda king. Plenny peopo no goin get notting fo eat. Plenny diffren places, da groun goin shake hard plenny.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Local Leadas 7:22

Wen da three hundred trumpets make noise, Da One In Charge make da Midian guys inside dea camp attack each odda wit dea swords. Dea army guys run away to Bet-Shittah nea Zerarah to da edge a Abel-Meholah, nea Tabbat.

1 Samuel 14:16

Da watcha guys fo Saul, Gibeah side inside da Benjamin land, dey look, an ho! uku pile a Filisha guys, stay running aroun dis side an dat side, jalike dey donno wassup!