Haggai 2:17 - Hawaii Pidgin Bible

¹⁷ All da work you guys wen do, me Da One In Charge stay wack um awready. I make da plants dry up from da hot wind, o get mildew, o I let dem mahke from da hail. Still yet you guys neva come my side! Az wat I tell.’

Haggai 2:17 ပူးပေါင်းရင်းမြစ်များ

Start 42:23

Da ten braddah guys, dey neva know dat Joseph undastan eryting dey stay talk. Cuz Joseph, he ony use da Egypt kine language fo talk to dem, but get one interpreta guy dat use da Hebrew language fo tell da braddah guys wat Joseph tell.

Start 42:27

Nite time come, an wen dey stop, one a da braddah guys open his bag fo give his donkey someting fo eat. He find da silva, right dea inside da top a da bag.

Start 42:6

Dat time, Joseph was da guy in charge a all da land, Egypt side. Was him dat stay sell da food to all da peopo inside dat land. Joseph braddah guys go by him, an dey go down in front him, an put dea face on top da groun fo show um respeck.

1 Kings 8:37

“Bumbye, no goin get food inside da land, O get real bad kine sick, O da plants come sick, O da mold make da food pilau, O da grasshoppa an da caterpilla Eat up all da food Befo da peopo can harves um, O da peopo dat stay agains yoa peopo Sen dea army guys agains yoa towns, O get odda kine sick.

2 Records 28:22

Da time wen Ahaz get plenny trouble, even mo he ack so Da One In Charge no can trus um.

2 Records 6:28

“Bumbye maybe no mo food. O maybe da peopo get one real bad kine sick, o da kine sick come dat make da plants come dry, o da mold, o da locust bugs o grasshoppas. O maybe da peopo dat stay agains dem put army guys aroun dea big towns, o odda kine bad ting happen to dem, o any kine sick.

Job 36:13

“Da peopo dat ack jalike God no matta, Dey stay piss off inside but dey no say notting. Even wen God tie um up, dey no call out to him fo help.

Songs 128:2

Den, from da work you do Wit yoa hands, You goin get plenny fo eat. You goin stay good inside, An tings goin go good fo you too.

Songs 78:46

He wen let da grasshoppas go afta Da food da Egypt peopo wen grow, He wen let da locust bugs Eat up eryting da peopo wen work fo.

Isaiah 28:2

But you know wat?! My boss get da Assyria army, Dat stay real strong wit plenny powa. Dey stay jalike one rain storm dat fall down wit ice, One real strong wind dat wipe out all da plants, One storm dat make da watta come up all ova da place, Wit plenny powa fo throw down da big town.

Isaiah 37:27

An fo you make da peopo dat live dose towns Get ony litto bit powa. Dey lose fight an come shame. Dey come jalike da plants dat grow inside one field, Da young green grass O da grass dat grow on top da roof O on top wea you plow fo plant da wheat, Wea da sun burn um befo can grow.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Isaiah 62:8

Da One In Charge make dis promise Cuz he get da powa fo make um happen: “No mo I goin eva let Da peopo dat stay agains you Take away yoa wheat an barley. I no goin eva let Da peopo from anodda place Drink da new wine You guys wen bus ass fo make.

Isaiah 9:13

Cuz da Israel peopo still yet no lissen An no come sorry fo da bad stuff dey do An no come back to da One dat stay bus um up, An still yet dey no like even find out Wat Da One In Charge, Da God Ova All Da Armies, tell dem fo do.

Jeremiah 3:24

From da time us small kids, Baal, da god dat do shame kine stuff, Eat up all da stuff oua faddahs wen bus ass fo get. He take dea sheeps an goats an cows. An he take dea boys an girls.

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Amos 4:6

Dis wat Da One In Charge a me tell too: “Was me dat wen make da peopo inside ery town hungry to da max! So neva have bread no place. Still yet, you guys no like come back an be my guys.” Dass wat Da One In Charge tell.

Haggai 1:11

I wen make da fields an da hills dry up. Same ting fo da wheat an barley, da new wine, da olive oil, an wateva kine food da groun give. Goin hurt da peopo an da animals. You guys goin bus ass, but no goin get notting!”

Haggai 1:6

You guys plant plenny, but you ony harves litto bit food. You guys eat, but no mo enuff fo fill you guys up. You guys drink, but no enuff fo make somebody come piloot. An den you guys put on clotheses, but you no come warm. Whoeva work fo get money, dey put da money inside one money bag wit pukas!”

Haggai 1:9

Eh! Look! You guys figga you goin harves plenny wheat an barley, but you guys harves ony litto bit stuff. Da stuff you guys bring back, I blow um away! How come? Cuz all you guys run aroun plenny fo take kea yoa house, same time my house stay all bus up.

Haggai 2:16

Dat time, you guys wen tink you goin harves twenny bag wheat, but wen you get dea, az ony ten bag. You guys go one place fo step da grapes fo make fifty gallon wine, but you get ony twenny gallon dea.

Malakai 3:11

I goin chase away da bugs so dey no eat wat you guys plant. Dey no goin wipe out da tings dat grow outa da groun. Da grapes no goin fall down from da grape plants befo dey ready. Me Da One In Charge, Da God Ova All Da Armies, an dass wat I tell.

Rules Secon Time 28:22

He goin give you guys one real bad kine sick. You guys goin get high fever an swell up. He goin make da land real hot, an no mo rain. He goin make da plants dry up from da sick an from mildew. Da sick goin stay till you guys mahke.

Jesus Show 2:21

I wen give dat wahine plenny chance awready fo come sorry an no do da bad kine stuff she stay do, but she no like.