Haggai 2:16 - Hawaii Pidgin Bible

¹⁶ Dat time, you guys wen tink you goin harves twenny bag wheat, but wen you get dea, az ony ten bag. You guys go one place fo step da grapes fo make fifty gallon wine, but you get ony twenny gallon dea.

Haggai 2:16 ပူးပေါင်းရင်းမြစ်များ

Isaiah 5:10

Ten acre grape field Goin give ony six gallon wine. An ten bag seed Goin give ony one bag food.’

Jeremiah 48:33

No mo nobody get good fun O stay good inside, In da places wea get fruit trees Inside da Moab land. I no let nobody step da grapes An yell cuz dey stay good inside Fo make da wine. If you hear um stay yelling, Az not cuz dey stay good inside.

Haggai 1:6

You guys plant plenny, but you ony harves litto bit food. You guys eat, but no mo enuff fo fill you guys up. You guys drink, but no enuff fo make somebody come piloot. An den you guys put on clotheses, but you no come warm. Whoeva work fo get money, dey put da money inside one money bag wit pukas!”

Haggai 2:15

“ ‘Try tink real good bout wat wen stay happening wit you guys befo you put one building stone on top da odda fo build my Temple.

Haggai 2:17

All da work you guys wen do, me Da One In Charge stay wack um awready. I make da plants dry up from da hot wind, o get mildew, o I let dem mahke from da hail. Still yet you guys neva come my side! Az wat I tell.’

Malakai 2:2

Dis wat Da One In Charge, Da God Ova All Da Armies tell: “Maybe you guys goin make deaf ear, an no like lissen fo show respeck fo me, no matta you know wat kine god me. Den I goin put kahuna on top you guys. Even da good tings I wen do fo you guys, I goin put kahuna fo make all dat come bad fo you guys. Dass cuz you guys no go all out fo show respeck fo me, no matta you know wat kine god me!