Haggai 2:12 - Hawaii Pidgin Bible

¹² How you guys tink?! Suppose somebody carry sacrifice meat dat stay spesho fo me, an use da edge a his robe fo hold um. Den suppose dat part a his clotheses touch some bread, stew, wine, olive oil, o odda food. You tink dat odda food come spesho fo me too, o wat?’ ” Wen Haggai aks da pries guys bout dis, dey tell, “No.”

Haggai 2:12 ပူးပေါင်းရင်းမြစ်များ

Outa Egypt 29:37

Seven days, you gotta do all dat fo make da altar come pono wit me an spesho fo me. Afta da seven days, goin be real spesho fo me. Anyting dat even touch da altar, goin come spesho fo me too.

Teacha 10:1

Mahke flies make da perfume smell haunas. Same ting you do one litto bit stupid kine ting, Den nobody goin stay shua you know wat fo do erytime, An no mo nobody goin respeck you!

Ezekiel 44:19

Wen dey go outside fo go da outside open lanai wea da peopo stay, dey gotta hemo dea work clotheses, an leave um inside da spesho rooms, an put on dea regula kine clotheses, fo dem no make da regula kine peopo come spesho fo God if dey touch dea spesho clotheses.

Prieses 6:27

If somebody o someting touch some a da sacrifice meat, dey come spesho fo me too. If some a da blood splash on top dea clotheses, gotta wash da clotheses inside one place dat stay spesho fo me.

Prieses 6:29

Any guy from da pries guy ohana can eat um, but not da wahines. Da sacrifice meat stay spesho fo me.

Prieses 7:6

Inside da pries ohana, da men can eat da meat, but da wahines no can eat um. Da pries guys gotta eat um inside one place dass spesho fo me, Da One In Charge, cuz az one sacrifice dat stay real spesho fo me.

Matthew 23:19

Wassamatta you guys?! You blind buggahs! You guys figga da gif offering on top da altar mo importan den da altar dat make da gif offering spesho fo God? No way!

Rules Secon Time 33:10

Da Levi guys teach yoa rules to da odda Jacob peopo, (Az da Israel peopo), An dey teach how you make diffren kine To da good peopo an da bad peopo. Da Levi guys burn incense in front you, An make burn up kine sacrifices on top yoa altar.