Haggai 1:9 - Hawaii Pidgin Bible

⁹ Eh! Look! You guys figga you goin harves plenny wheat an barley, but you guys harves ony litto bit stuff. Da stuff you guys bring back, I blow um away! How come? Cuz all you guys run aroun plenny fo take kea yoa house, same time my house stay all bus up.

Haggai 1:9 ပူးပေါင်းရင်းမြစ်များ

2 Samuel 21:1

One time wen David stay king, food no grow inside da land fo three year cuz no mo rain. So David go in front Da One In Charge fo aks how come. Da One In Charge tell, “Az cuz Saul an his ohana wen kill plenny guys from Gibeon town.” (Da Gibeon peopo no come from Israel, you know. Dey some a da Amor peopo dat still yet stay alive. Befo time, da Israel guys wen make one strong promise fo no kill dem. But layta, wen Saul wen go all out fo da Israel an Judah peopo, he try fo kill all da Gibeon peopo.) Da One In Charge tell, “Az cuz Saul an his ohana wen go kill plenny guys from Gibeon town dat stay lidis.”

2 Samuel 22:16

Da One In Charge yell, ‘Wat you guys stay do, not good!’ An he blow real hard cuz he huhu, Cuz a dat, can see da places wea da watta move thru da ocean, An can see da foundation, da ocean bottom.

2 Kings 19:7

Cuz you know wat I goin do?! I goin jam up da king head. He goin hear wat somebody tell, an he goin figga dat he betta go back his land. An wen he get dea, I goin make somebody go kill him wit one sword.’ ”

Job 10:2

I goin tell God: ‘I like fo you no jus tell, I wen do wrong! Tell me, how come you still poin finga me?!

Smart Guys 11:24

Get da kine peopo, dey like give away plenny stuff all da time An still yet, bumbye dey get even mo stuff. Get diffren kine peopo, dey can help out, but dey no like, An bumbye dey no mo notting.

Smart Guys 27:20

Da Mahke Peopo Place, Dey call um Da Deep Dark Hole, Erytime like suck mo plenny peopo down inside. Same ting fo da peopo dat get greedy eye, Dey erytime like take mo plenny stuff.

Teacha 1:8

All dis kine stuff dat happen ova an ova, An stay boring, Cuz get way mo stuff fo talk bout, Way mo fo see an hear.

Isaiah 40:7

Da grass come all dry, An da flowas come poho an fall down, Weneva Da One In Charge blow on top um. Fo shua, da peopo, dey jalike da grass.

Isaiah 5:10

Ten acre grape field Goin give ony six gallon wine. An ten bag seed Goin give ony one bag food.’

Jeremiah 12:13

Da peopo goin plant wheat But ony thorns dey goin harves. Dey bus ass an come tired, But dea work no goin help dem notting. I like fo dem come shame cuz no mo wheat fo harves, Cuz Da One In Charge stay real huhu wit dem!”

Ezekiel 21:31

I goin show dat I stay huhu An pay you back. I goin turn you ova to da skery hit men, Guys dat know how fo take peopo out.

Prieses 19:25

Den, year numba five, you guys can eat da fruit. Az how you guys goin get even mo fruit. I yoa God, Da One In Charge.

Haggai 1:4

“You guys tink dat now stay okay fo you guys live inside yoa own houses wit nice kine wood walls, same time my house stay all bus up, o wat?!”

Haggai 1:6

You guys plant plenny, but you ony harves litto bit food. You guys eat, but no mo enuff fo fill you guys up. You guys drink, but no enuff fo make somebody come piloot. An den you guys put on clotheses, but you no come warm. Whoeva work fo get money, dey put da money inside one money bag wit pukas!”

Malakai 2:2

Dis wat Da One In Charge, Da God Ova All Da Armies tell: “Maybe you guys goin make deaf ear, an no like lissen fo show respeck fo me, no matta you know wat kine god me. Den I goin put kahuna on top you guys. Even da good tings I wen do fo you guys, I goin put kahuna fo make all dat come bad fo you guys. Dass cuz you guys no go all out fo show respeck fo me, no matta you know wat kine god me!

Rules Secon Time 28:38

“You guys goin take plenny seeds fo plant inside yoa field, but you ony goin harves litto bit food cuz da locust kine grasshoppas goin eat um up.

Jesus Show 2:4

But I get dis agains you guys, dat you guys no mo love an aloha jalike wen you guys wen trus me firs time.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.