Haggai 1:11 - Hawaii Pidgin Bible

¹¹ I wen make da fields an da hills dry up. Same ting fo da wheat an barley, da new wine, da olive oil, an wateva kine food da groun give. Goin hurt da peopo an da animals. You guys goin bus ass, but no goin get notting!”

Haggai 1:11 ပူးပေါင်းရင်းမြစ်များ

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

2 Kings 8:1

Anodda time, Elisha talk wit da wahine dat he wen make her boy come back alive one mo time. He tell, “Take yoa husban an yoa boy, an go some odda place live, any place you can stay long time. Cuz Da One In Charge tell, no goin get food inside dis land fo seven year. An stay start awready.”

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Sad Song 1:21

“Peopo hear me moan, But no mo nobody come fo make me feel mo betta. All da peopo dat stay agains me wen hear I get trouble, An dey dance an sing cuz a wat you, Da One In Charge, wen do. I like you make da tings happen dat you wen promise goin happen, Fo dem suffa jalike I suffa!

Amos 5:8

“God, he da One wen make da stars— Da Pleiades an Orion stars, He change da real dark time an make um come morning time, He change da day time an make um come dark fo nite time. He tell da watta fo come up outa da ocean fo make rain clouds, Den he pour um out on top da groun. Da Boss, Da One In Charge, dass his name, cuz dass who him!

Amos 7:4

“Anodda time, dis wat Da One In Charge a me wen show me. Was jalike one dream: Da One In Charge a me stay make ready fo punish da peopo wit fire, da kine fire dat even dry up da big watta. Now, dat fire stay ready fo burn up all da fields too!

Amos 9:6

Da One In Charge, he build da top part a his house inside da sky, Da arch go all da way up from da earth. He tell da watta fo come up outa da ocean, Den he pour um out on top da groun. Da One In Charge, dass his name, Cuz dass who him!”

Haggai 2:17

All da work you guys wen do, me Da One In Charge stay wack um awready. I make da plants dry up from da hot wind, o get mildew, o I let dem mahke from da hail. Still yet you guys neva come my side! Az wat I tell.’

Haggai 2:19

No mo seeds inside da place fo store seed, cuz you wen plant um awready. An you stay wait fo da grape vine, da fig tree, da pomagram tree, an da olive tree dat goin give fruit. “ ‘But from today I goin do good kine tings fo you guys.’ ”

Malakai 3:11

I goin chase away da bugs so dey no eat wat you guys plant. Dey no goin wipe out da tings dat grow outa da groun. Da grapes no goin fall down from da grape plants befo dey ready. Me Da One In Charge, Da God Ova All Da Armies, an dass wat I tell.

Malakai 3:9

Az why erybody inside da whole nation get kahuna on top dem, cuz you guys stay steal from me.

Rules Secon Time 28:22

He goin give you guys one real bad kine sick. You guys goin get high fever an swell up. He goin make da land real hot, an no mo rain. He goin make da plants dry up from da sick an from mildew. Da sick goin stay till you guys mahke.