Habakkuk 3:8 - Hawaii Pidgin Bible

⁸ Da One In Charge, you wen wack da rivas dat time, Az cuz you huhu, o wat?! You mad at da streams? Da time you wen ride yoa horses, An yoa war wagons, an you win, Az cuz you wen come piss off wit da ocean, o wat?!

Habakkuk 3:8 ပူးပေါင်းရင်းမြစ်များ

Songs 104:3

He build his palace in da sky. He use da clouds fo war wagon An he ride on top da wind, Jalike da wind get wings fo carry him.

Songs 114:3

Was jalike da Red Sea wen see dem Coming, an run away! Jalike da watta inside da Jordan Riva Wen turn roun An go back mauka side!

Songs 114:5

Eh! So, you, Red Sea, tell me dis: How come you so sked, You wen run away?! Eh you! Jordan Riva, tell me dis: How come you so sked, You wen turn aroun?!

Songs 18:10

Jalike God fly down, riding On top one a da awesome tings dat stay alive an go ery place God go An stay by his throne, Jalike he get wings wit da wind undaneat, Fo dive down an grab someting!

Songs 45:4

You da winna erytime! Az why you get respeck! Az why wen you ride on top yoa horse Cuz you da leada guy, You fight fo show Dat peopo can trus you. An you show dat you no mo big head Wen you do wass right. I like fo you use yoa strong powa Fo do awesome kine tings.

Songs 68:17

God wen come Wit awesome war wagons, Ten tousan, an den ten tousan moa. You, my Boss, wen come from Mount Sinai Wit all dem To da place dat stay spesho fo you.

Songs 68:4

Sing fo God! Sing bout how him da bestes, Sing bout wat kine god him! Tell he da mos importan one, Da One dat ride on top da clouds, He get da spesho name “Yah!” Dance an sing in front him!

Songs 77:16

Eh God! Da ocean wen shake, Jalike he see you an come sked. All da way to da bottom a da ocean, Jalike da watta ack sked.

Outa Egypt 14:16

You take yoa stick fo walk, an hold um out ova da sea fo make da watta go one side an da odda side. Den da Israel peopo goin go thru da middo a da Red Sea, an da groun in da middo goin be dry.

Outa Egypt 7:19

Da One In Charge tell Moses fo tell Aaron too: “Go take yoa stick fo walk, put out yoa arm an hold up da stick ova da places inside Egypt dat get watta—da rivas, an da ditches, an da ponds, ery place dat get watta. All da watta goin come blood. All ova da Egypt land, goin get blood, even inside da wood buckets an da stone pots!”

Outa Egypt 7:20

Moses an Aaron do jalike Da One In Charge tell um fo do. Wit da Pharaoh guy an all da odda palace guys stay watching him, he pull up da stick fo walk an wack da watta inside da Nile Riva. All da watta inside da Nile Riva come blood!

Isaiah 19:1

Me, Isaiah, I get heavy kine stuff fo tell bout wat I see goin happen to da Egypt peopo: Da One In Charge stay come Egypt side, Jalike he stay ride on top one cloud. Da idol kine gods da Egypt peopo pray to Stay shake in front him. Da Egypt peopo stay plenny sked An no can tink good.

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Isaiah 66:15

Cuz you know wat?! Wen Da One In Charge come, he goin come wit fire! His war wagons goin come Jalike one strong wind storm! He goin come fo pay back Da peopo he stay real huhu wit. He goin bring da big fire Fo tell um no do bad kine tings.

Nahum 1:4

He can talk strong to da ocean, an make um come dry. He make all da rivas come dry. Da green grass all ova Bashan an Carmel come no good too. Da flowas inside Lebanon come no good an mahke.

Habakkuk 3:15

You drive yoa horses all ova da ocean. An da big watta come white jalike stay boil.

Mark 4:39

Jesus get up, an scold da wind an da waves. He tell, “Quiet! Come calm!” Den da wind die down an da watta come calm.

Jesus Show 16:12

Da numba six angel guy pour out da stuff from his bowl on top da big Eufrates Riva, an all da watta come dry up, fo make ready da way fo da kings from da east side fo come.

Jesus Show 19:11

Den, jalike one dream, I see da sky open up, an dea in front me get one white horse wit one guy on top him. Dey call dat guy Da One Dat Do Wat He Tell He Goin Do an Da One Dat Tell Da Trut. He erytime do wass right, wen he make jalike one Judge, an wen he lead one army fo fight one war.

Jesus Show 19:14

All da army guys inside da sky stay go wit him. Dey stay ride on top white horses, an dey wear da fancy linen kine clotheses dat stay white an clean.

Jesus Show 6:2

Den, eh! I look an see one white horse. Had one guy on top um wit one bow fo shoot arrow. He get one crown. An he go out jalike one army guy fo fight an win agains da guys dat hate him.