Habakkuk 3:6 - Hawaii Pidgin Bible

⁶ Wen he stop, da earth shake. Wen he look da peopos, dey come sked an shaking. Da mountains dat stay from befo time come broke up. Da ol hills fall down. He do wat he do foeva.

Habakkuk 3:6 ပူးပေါင်းရင်းမြစ်များ

Start 49:26

Me, yoa faddah, I like da good tings dat I tell God fo do fo you Come mo plenny den all da good tings You goin get from da ol mountains, Mo plenny den from da nice tings dat come From da hills dat goin stay foeva. I like all dis good stuff come to Joseph, On top his head, his girigiri, Cuz he da guy dat wen come mo importan Den all his odda braddah guys.

Job 21:18

You tink dey stay jalike da junk kine stuff from da wheat Dat blow away? Not!

Job 9:5

He can move da mountains, Befo dey know wass happening. He can huli dem wen he stay huhu.

Songs 103:17

But Da One In Charge, He stay tight wit his peopo From long time befo time, An till long time from now, Da ones dat get choke respeck fo him. Da peopo dat stick wit da deal God wen make, An no foget fo do Da tings he wen tell um fo do, He goin do wass right fo dem An fo dea kids an grankids too!

Songs 104:32

He look da world, An da groun start fo shake. He touch da mountains, An dey make smoke.

Songs 35:5

I like da wind blow dem away, Jalike dey da junks from da wheat, Wen one angel guy From Da One In Charge Push back da guys Dat stay come agains me.

Songs 68:16

Wen you guys look from yoa mountains Dat get all kine pali, How come you guys come jealous Wen you look da small kine mountain Dat God like fo be his place fo stay, Da place Da One In Charge Pick fo stay dea foevas?

Songs 90:2

Befo had mountains, Befo you make da world An all da diffren lands, Befo had time even, You stay God fo real kine. An you goin stay God foeva!

Songs 97:5

Wen Da One In Charge show up, Da mountains melt in front him Jalike wax. Cuz he da boss fo da whole world.

Outa Egypt 15:14

Da odda peopos, dey goin hear dis, Dey come sked an shaking! Da peopo dat live inside da Filisha land, Dey suffa plenny!

Outa Egypt 15:15

Dat time, da main leada guys from Edom, Dey lose fight an no can do notting. Da leada guys from Moab, Dey ony stan dea an shake! Da peopo dat live Canaan side, Dey all donno wat fo do awready.

Outa Egypt 15:17

“Eh! You Da One In Charge! You goin take yoa peopo To da place you wen make ready fo you live dea. Jalike you stay plant um fo grow On top yoa mountain, Da place you wen make fo you stay, Da place dass spesho fo you, Da One In Charge, Da place you, my Boss, wen make ready wit ony yoa hands!

Outa Egypt 19:18

All ova Mount Sinai, get plenny smoke, cuz Da One In Charge come down from inside dea, burning jalike fire. Da smoke go up jalike da smoke from one place wea dey melt metal. Da whole mountain stay shake plenny!

Outa Egypt 21:31

Same ting, if da cow use his horn fo kill one boy o one girl, get da same rule fo wat da cow owna guy gotta pay fo buy back his life.

Isaiah 51:6

Look up to da sky. Look down at da earth. Da sky goin go way, jalike smoke. Da earth goin come boros, jalike da boros clotheses. All da peopo on top da earth goin mahke, jalike small bugs. But I goin get my peopo outa trouble all da time. I still yet goin do wass right fo da peopo, all da time.

Isaiah 51:8

Cuz dose odda peopo no goin stay long time, Dey goin be jalike clotheses da bugs goin eat. Dey goin be jalike wool kine cloth dat da moth worm goin eat. But I stay do da right ting all da time. I get my peopo outa trouble, Dem, an dea kids an grankids, foeva.’ ”

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Nahum 1:5

Da mountains shake cuz a him, Jalike da hills melt. Da groun shake in front him. Erybody dat live on top da earth, dey shake too.

Habakkuk 1:12

You, Da One In Charge! You my God! You stay alive from befo time An you no goin mahke! You my God dat stay good an spesho. You Da One In Charge! You wen pick da Babylon guys fo pay us back. You strong, jalike one cliff. You wen pick dem fo punish us guys!

Habakkuk 3:10

Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

Matthew 24:35

Da world an da sky goin go way, but da tings I tell no goin go way foeva.

Luke 1:50

He give da peopo chance Dat show respeck fo him, From da granfaddas to da grankids.

Jesus Guys 17:26

From one guy, God make all da diffren peopos fo live all ova da world. He set up da times an da places fo dem stay.

Rules Secon Time 32:8

Da God Dass Mo Importan Den All Da Odda Gods, Wen he split up all da diffren peopos An give all dem dea land, He make one place fo ery peopo, An fo da Israel peopo, he give enuff land fo all da peopo.

Rules Secon Time 33:15

Da bestes kine stuff from da ol mountains An da hills dat stay foeva,

Hebrews 13:8

Cuz Jesus Christ, he stay da same, yestaday, today, an foeva!

Joshua 10:42

Joshua dem win ova all dose kings an dea lands in one war, cuz Da One In Charge, da God fo da Israel peopo, wen fight fo da Israel peopo.

Local Leadas 5:5

Da mountains shake in front Da One In Charge, da One from Mount Sinai. Dey shake in front Da One In Charge, da God fo da Israel peopo.