Habakkuk 3:3 - Hawaii Pidgin Bible

³ God come from Teman, south side. Da God Dat Stay Good An Spesho, Come from Mount Paran. (Time out fo da music.) He real awesome, jalike he shine all ova da sky. Da peopo all ova da world talk good bout him.

Habakkuk 3:3 ပူးပေါင်းရင်းမြစ်များ

Start 21:21

Da time Ishmael stay live inside da boonies Paran side, his muddah go Egypt side, an she bring back one wahine from dea fo come Ishmael wife.

Start 36:11

Elifaz, his boys, Teman, Omar, Zefo, Gatam, an Kenaz.

1 Kings 11:18

Dey start from Midian side, den dey go west Paran side. Dey take some guys wit dem from Paran an go Egypt side by da Pharaoh, da king fo da Egypt peopo. Da Pharaoh guy give Hadad one house, an tell his guys fo feed dem, an even give um some land.

Songs 113:4

He mo big den all da diffren peopos. Da One In Charge, he da greates, He mo big den even da sky!

Songs 148:13

Good, dey all tell good tings Bout Da One In Charge, Cuz dey know wat kine god him! Cuz he da ony one dat get One big name dass fo real, Fo be da mos awesome king In all da world an inside da sky!

Songs 3:2

Plenny peopo tell dis bout me: “No way God goin get dat guy Outa trouble!” (Time out fo da music.)

Songs 3:4

I wen yell to Da One In Charge Fo help me. He hear me up dea On top da mountain Dat stay spesho fo him, An he help me. (Time out fo da music.)

Songs 4:4

So, good you guys stay sked an shaking, Cuz den you no goin do bad kine stuff. Go lay down on top yoa bed, An tink plenny bout all dis, An shut yoa mout. (Time out fo da music.)

Songs 48:10

Eh God, get peopo Inside da mos far place On top da earth, Dat know wat kine god you, An dat tell dat you da greates. You get da powa Fo do da right ting erytime.

Songs 68:17

God wen come Wit awesome war wagons, Ten tousan, an den ten tousan moa. You, my Boss, wen come from Mount Sinai Wit all dem To da place dat stay spesho fo you.

Songs 9:16

Da One In Charge, he let peopo know him. An he tell who do da right ting An who no do da right ting. Da peopo dat do bad tings, Da tings dey stay do goin make trouble fo dem. (Time out fo da music.)

Songs 9:20

Eh! You Da One In Charge! All da diffren peopos dat donno you, Make um come real sked. Let um know, dey ony peopo, Dey not God. (Time out fo da music.)

Outa Egypt 20:18

All da peopo hear da thunda an see da lightning. Dey all hear da sheep horn trumpet an see da smoke all ova da mountain. Da peopo, dey stay sked an shaking. Dey go stan back far away from da mountain.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 6:3

All da angel guys call out to da oddas, “Good an Spesho! Spesho! Spesho! Dass Da One In Charge, Da God Ova All Da Armies, How good an spesho he stay! Eryting inside da whole world, Show how awesome he stay!”

Isaiah 64:3

Befo time you wen do awesome an unreal kine stuff Dat us guys neva tink you goin do. You wen come down, An da mountains shake jalike get earthquake An fall down in front you,

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?

Ezekiel 43:2

Den you know wat I wen see? I see da strong light from da awesome God fo da Israel peopo dat come from da east side! His voice soun jalike da big noise from one flash flood. An da land shine from da awesome strong light.

Amos 1:12

Dass why I goin sen army guys fo burn Teman town, An da fire goin eat up da palaces dat get strong wall, Bozrah town.”

Obadiah 1:9

Yoa army guys from Teman town goin lose fight, Cuz erybody inside da Esau mountains goin get kill.

Habakkuk 2:14

Cuz jalike da watta fill up all da oceans, All da peopo dat fill up da world goin know How awesome me Da One In Charge stay!

Census 10:12

Dass wen da Israel peopo start fo go out from da Sinai Boonies, an go from dis place to dat place till da cloud come down inside da Paran Boonies.

Rules Secon Time 33:2

Moses tell, “Da One In Charge come from Mount Sinai. He come fo dem Jalike wen da sun come up from Mount Seir. He shine from Mount Paran. He come wit plenny angel messenja guys Dat stay spesho fo him, From da south, from da sides a da mountain.

Rules Secon Time 5:24

You guys tell, ‘You know wat? Oua God Da One In Charge wen show us how awesome an importan he stay. An we hear his voice come from inside da fire. Today we see dat peopo can stay alive still yet, even if God talk to um.

1 Samuel 25:1

Wen Samuel mahke, all da Israel peopo come togedda, an come sad inside cuz he mahke. Dey bury him his place inside Ramah. Den David start fo move house south side fo go da Paran Boonies.