Habakkuk 3:19 - Hawaii Pidgin Bible

¹⁹ Da One In Charge a me, He make me strong! He make my feets run jalike one deer. He help me fo move an no fall down Even on top da high places. (Fo da guy dat stay in charge a da music: Use da big an small harp.)

Habakkuk 3:19 ပူးပေါင်းရင်းမြစ်များ

2 Samuel 2:18

Get three guys dea wit David guys, Zeruiah three boys Joab, Abishai, an Asahel. Asahel can run real fas, jalike da kine deer dat live inside da boonies.

2 Samuel 22:34

God make me fo run an no fall down, Jalike one deer dat run fas ova da big mountains,

Songs 18:1

David tell: “Eh! You Da One In Charge! I get love an aloha fo you! You da One make me strong!”

Songs 18:32

Dass da God dat make me strong fo fight. Ery place I go, God make eryting come okay fo me.

Songs 18:33

He make um fo me run an no fall down, Jalike one deer dat run fas ova da big mountains.

Songs 18:34

He teach me how fo fight in da war, Az how I strong fo even pull da metal kine bow.

Songs 27:1

Da One In Charge, he help me, An he get me outa trouble, Jalike he da light fo me. No need fo me stay sked nobody! Da One In Charge, he goin make shua nobody kill me, Jalike he one strong wall fo me, I no need come sked an shaking.

Songs 46:1

God, he jalike one place Fo us guys go hide. He make us guys stay strong Fo notting bad happen. Wen get all kine trouble, God stay ready Fo help us guys plenny.

Songs 54:1

Eh God! Get me outa trouble, Cuz dass da kine God you. You one strong judge, So tell peopo I neva do notting bad.

Love Song 2:7

Eh! You Jerusalem wahines! I like you guys make one strong promise to me, Fo tell da wild deers an da wahine deers, Fo dem lissen wat you promise! I like you make one promise to me: No come real excited fo make love Till da time stay right!

Isaiah 12:2

“Fo shua, he da God get me outa trouble. I goin trus him an no stay sked. Cuz Da One In Charge, da One make me strong An give me powa. He come awready, da One get me outa trouble.”

Isaiah 45:24

Dey goin tell dis bout me, ‘Fo shua, ony one way fo do da right kine stuff, Ony one way fo stay strong: Gotta stay tight wit Da One In Charge!’ But erybody dat come huhu wit Da One In Charge Dey gotta go in front him, An dey goin come plenny shame.

Isaiah 58:14

If you guys stay do all dat, Den you guys goin feel good inside Cuz you stay tight wit me, Da One In Charge. I goin let you guys ride on top da mos high places in da land, Cuz you guys goin be da ownas. I goin make shua you guys get plenny food fo eat From da same land Dat I wen make one promise Fo give um to yoa ancesta Jacob. Dass wat I goin do cuz me Da One In Charge, An dass wat I tell!”

Ezekiel 36:2

Da peopo dat stay agains you mountains tell, ‘Ahanas! Da real high mountains dat stay from befo time come oua property awready!’

Zekariah 10:12

I goin make dem come strong army guys, Cuz me Da One In Charge, an I strong. Wen dey march, dey goin use my name.” Az wat Da One In Charge tell.

Efesus 3:16

an da real Faddah stay plenny awesome! He get eryting us need! Az why I like fo him sen his Spirit fo give you guys da powa fo come mo strong inside.

Rules Secon Time 32:13

Da One In Charge, he put da Israel peopo wea dey stay In da up country inside da Canaan land. He let um eat stuff dat grow inside da fields, An honey from da bees inside da cliffs, An oil from da olive trees dat grow wea get hard rocks.

Rules Secon Time 33:29

You Israel peopo can stay good inside! No mo nobody jalike you guys. Da One In Charge get you guys outa trouble. Jalike he yoa shield, He help you guys. Jalike he yoa awesome sword, He fight fo you guys. Da peopo dat stay agains you guys Goin come sked an shaking in front you guys. You guys goin walk all ova dea backs.”

Philippi 4:13

I strong enuff fo handle any kine cuz I stay tight wit Christ, an he give me da powa fo do um.

Colosse 1:11

an get mo strong inside from God awesome kine powa, dat goin make you guys handle any kine an hang in dea long time.