Habakkuk 3:16 - Hawaii Pidgin Bible

¹⁶ Wen I hear all dat, my body stay shake. My lips shake cuz I sked. My bones come weak. My legs shake wen I stan. But I goin res easy An wait fo da time God goin punish dem, Dose peopo dat attack us.

Habakkuk 3:16 ပူးပေါင်းရင်းမြစ်များ

Job 30:17

Nite time I feel jalike someting stay digging inside my bones. Jalike someting stay chewing on me, dat no can res.

Job 30:30

My skin come black, My body stay hot wit feva.

Songs 119:120

I come all sked an shaking All ova my body wen I tink bout you, Cuz you da Judge. An I sked you goin punish me Fo no do wat you tell was right.

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Smart Guys 12:4

Da good kine wahine dat stay strong inside, She make her husban look good Jalike he one king. But da kine wahine dat make him come shame, Make him lose fight, jalike cancer inside da bone.

Smart Guys 14:30

No mo notting bodda you, Make yoa body feel good. You come jealous, Da body come all poho.

Isaiah 21:3

Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Jeremiah 23:9

Dis bout da guys dat talk fo God. I tink bout Da One In Charge An all da tings he tell cuz he good an spesho. An den I tink bout da guys dat tell dey talk fo God. Make my head come all hamajang inside. Me, jalike my body come real weak. I stay jalike I piloot, Jalike one guy dat no can handle notting, from drink wine.

Jeremiah 30:7

Eryting goin come real bad! Goin come real hard fo erybody! No goin get anodda day like dat! Too much presha fo da peopo dat come from Jacob! But me, Da One In Charge, I goin get dem outa dat trouble.”

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Jeremiah 5:15

Da One In Charge tell, “Eh, you Israel ohana peopo! I goin make one peopo from far away Come attack you guys. Dey was dea from long time. You guys donno dea language. An you guys no undastan wat dey talking.

Sad Song 1:13

“From da sky he sen fire Down inside my bones. He spread one net fo catch my feets, An make me turn an go back. He make me come all wipe out, Ready fo pass out all day.

Sad Song 1:20

“Eh! Da One In Charge! Look how I stay bum out! I stay suffa inside. I stay lose fight. Cuz I wen go agains you fo real kine. Outside in da street, da army guys kill da peopo. Inside da house, peopo mahke.

Ezekiel 3:14

Den God Spirit lif me up, an take me away, an I come mad an all sore inside. An same time, Da One In Charge help me an make me mo strong.

Daniel 10:8

So I stay dea, da guys run away, an I da ony one dat see dis importan ting dat stay jalike one dream. I come weak. I even look jalike I stay wipe out. I no can do notting.

Daniel 10:9

Den I hear da awesome guy talk, an wen I lissen him, I pass out an my face stay on top da groun.

Daniel 8:27

Me, Daniel, afta I see all dis, I come weak an come sick fo days. Den I get up an do my job fo da king. I stay bum out cuz a da dream, az cuz da dream blow my mind.

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!

Luke 21:19

If you guys hang in dea to da end, you guys goin get da kine life dass fo real!