Habakkuk 3:12 - Hawaii Pidgin Bible

¹² You stay huhu, an you walk thru da earth. You huhu, an you make to da nations Jalike wen peopo wack da wheat Fo split um from da junk kine stuff.

Habakkuk 3:12 ပူးပေါင်းရင်းမြစ်များ

Songs 110:5

My boss, he stay right dea Wit you fo proteck you. Da time he goin show peopo Dat he real huhu, He goin bus up odda king guys.

Songs 68:7

Eh God! Dat time wen you wen go out In front yoa peopo An march thru da boonies, (Time out fo da music.)

Songs 78:55

He make da odda peopos Run away from his peopo. He make one plan an measure Da property fo da Israel ohanas Fo dem live wea da odda peopos Wen stay befo time.

Songs 90:7

Us peopo, same ting, Wen you come huhu wit us, Jalike us had it awready. Wen you get mad, Us come sked plenny.

Isaiah 41:15

“An you know wat I goin do cuz a all dat? I goin make you Israel peopo come strong Fo bus up erybody dat stay agains you. You goin come jalike da kine wood frame Dat get two sides sharp, wit plenny teets. Da cows pull da wood frame On top da wheat dey wen harves, Fo bus up da wheat an take out da junks. Az Jalike you goin broke up da mountains An smash da hills. An afta dat, Ony goin be like da junk kine stuffs dat blow away.

Jeremiah 51:33

Dis one message from Da One In Charge, da God Ova All Da Armies, da God fo da Israel peopo. He tell: “Babylon town an da peopo dat live dea Goin come jalike one flat place Wea peopo clean da groun Fo take da junk kine stuffs outa da wheat. Wen da flat place all clean up, Den da harves time almos ready fo come.”

Amos 1:3

You betta lissen! Dis wat Da One In Charge tell: “Ova an ova, da Damascus peopo wen go agains me. Az why no way I goin let um go an no punish dem! Da buggahs wen trash da Gilead peopo, Jalike dey wen go drag one heavy board wit plenny spikes ova dea bodies.

Zekariah 1:15

But I stay real huhu wit da odda peopos dat tink notting bad goin happen to dem. Befo time I stay ony litto bit huhu, but dose guys wen make mo worse tings happen to my peopo.’

Jesus Guys 13:19

He wipe out seven peopos Canaan side, an give dea land to his peopo jalike one faddah wen promise fo give land to his boy.