Habakkuk 3:11 - Hawaii Pidgin Bible

¹¹ Da sun an da moon no move inside da sky Wen yoa arrows shine an go flying, An yoa spear shine an go fas jalike lightning.

Habakkuk 3:11 ပူးပေါင်းရင်းမြစ်များ

Songs 19:4

Da tings da sky tell, Peopo all ova da world awready know bout um. Ery place on top da earth, Da peopo awready hear wat da sky tell. Da sun, he stay inside da sky. Dass wea God wen put up one tent fo him.

Isaiah 28:21

Da One In Charge goin start fo do tings fo you guys, Jalike da time da Israel peopo wen fight da Filisha guys, Mount Perazim side. Da One In Charge Goin come real huhu an bus up peopo, Jalike da time dey wen fight da Amor peopo, Gibeon Valley. He goin do watevas he like do, No matta wat he stay do Goin make da peopo drop dea jaws, No matta nobody wen see him make lidat befo time.

Isaiah 38:8

Da One In Charge tell, ‘Da shadow from da sun go down ten step awready, on top da palace stair dat King Ahaz wen build. Now, I goin make da sun shadow go back up da same ten step.’ ” So az wat wen happen. Da sun shadow go back up da same ten step, wea come down awready.

Isaiah 49:2

He make da stuff I tell, jalike one sharp sword. He hide me inside his hand wea nobody can see me. He make me jalike one shiny arrow dat he make sharp, An he hide me inside his arrow bag.

Nahum 3:3

Da army guys make dea horses run fas. Dey swing dea swords. Dea spears shine. Plenny peopo mahke. Mahke bodies all ova da place! No mo nobody can count um. Erybody trip an fall down ova um.

Habakkuk 3:9

You take off da cova from yoa bow An get plenny arrow from yoa arrow bag. (Time out fo da music.) You split da earth wit da rivas.

Zekariah 9:14

Den Da One In Charge goin show up ova his peopo. His arrow goin go out jalike lightning. Da Boss, Da One In Charge, Goin blow da sheep horn trumpet. He goin attack jalike he stay riding On top da storms from da south side.