Habakkuk 3:10 - Hawaii Pidgin Bible

¹⁰ Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

Habakkuk 3:10 ပူးပေါင်းရင်းမြစ်များ

Nehemiah 9:11

You open up da sea in front dem Fo dem go inside da middo a da Red Sea On top dry groun. But da guys dat was chasing dem, You throw dem down inside da deep watta, Jalike wen you throw one rock inside da rough ocean.

Songs 104:32

He look da world, An da groun start fo shake. He touch da mountains, An dey make smoke.

Songs 148:7

Da tings dat get on top da earth, Make shua dey tell good tings Bout Da One In Charge too, An all da big animals inside da ocean, Jalike dey tell da same ting too, An same ting fo all da watta In da mos deep places In da ocean.

Songs 18:15

Da One In Charge tell “Not good, wass happening!” Den he blow one real hard blas so can see da bottom a da ocean, An can see da foundation rock wea da earth stan.

Songs 65:13

Da places wea da sheeps eat grass, Look nice Cuz dey get plenny sheeps all ova. Da valleys all cova ova wit wheat, Jalike dey yelling Cuz dey stay good inside, Even jalike dey singing.

Songs 66:6

He wen make da bottom a da Red Sea Come dry land, Fo da peopo walk to da odda side. Dass da place wea da peopo Come real good inside cuz a God!

Songs 93:3

You Da One In Charge! Da ocean make plenny noise! Da ocean stay poun plenny!

Isaiah 43:20

Da wild animals ova dea show respeck fo me, Da jackal kine dogs, an da ostrich bird, Cuz I give dem watta fo drink inside da boonies, An streams wea nobody live, Fo give watta fo drink to my peopo, Da ones I wen pick.

Isaiah 55:12

Bumbye, wen you guys leave fo come back ova hea, You guys goin dance an sing. God goin lead you guys out, An eryting goin come good fo you. Jalike da mountains an hills Goin sing loud in front you guys, An all da trees in da fields goin clap dea hands.

Jeremiah 4:24

I look da mountains. Dey stay shake jalike get earthquake! I look da hills. Dey stay move dis side an dat side!

Micah 1:4

Jalike da mountain melt unda him, Jalike da wax melt in front da fire. An jalike da valley bus open, Wen da watta come down da mountain real fas.

Nahum 1:5

Da mountains shake cuz a him, Jalike da hills melt. Da groun shake in front him. Erybody dat live on top da earth, dey shake too.

Habakkuk 3:6

Wen he stop, da earth shake. Wen he look da peopos, dey come sked an shaking. Da mountains dat stay from befo time come broke up. Da ol hills fall down. He do wat he do foeva.

Matthew 27:51

Right den an dea da big curtain inside da temple broke in two from da top to da bottom. An da groun shake, an da rocks split,

Matthew 8:24

Den had one big storm ova dea, an da waves stay bus ova da boat. But Jesus still yet stay sleeping.

Hebrews 11:29

Da Israel peopo, dey wen trus God. Dass why dey wen walk thru da middo a da Red Sea, cuz was jalike dry land dat time. But wen da Egypt guys try fo do da same ting, da watta wipe um out.

Joshua 4:18

So da pries guys come up outa da Riva carrying Da Box Fo No Foget Da Deal Da One In Charge Wen Make. Wen dea feets touch dry groun, da watta inside da riva come back an flood ova da sides jalike befo time.

Jesus Show 16:12

Da numba six angel guy pour out da stuff from his bowl on top da big Eufrates Riva, an all da watta come dry up, fo make ready da way fo da kings from da east side fo come.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.

Jesus Show 6:14

Da sky move away, jalike wen you roll up one paypa! All da mountains an all da islans move to diffren place.