Habakkuk 2:8 - Hawaii Pidgin Bible

⁸ Cuz you guys wen rip off plenny nations, All da peopos dat still stay alive goin rip off you guys. Az cuz you guys wen make peopo bleed an mahke. An wen wipe out lands an towns an erybody inside um.

Habakkuk 2:8 ပူးပေါင်းရင်းမြစ်များ

Songs 137:8

You Babylon peopo, Garans you goin come all bus up. If somebody punish you Fo wat you wen make to us guys, Us like God make dem Stay good inside!

Smart Guys 22:23

Cuz Da One In Charge, him goin be da One Dat goin help dose guys in front da judge. An fo da ones dat take away stuff from dem, He goin take away dea life!

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 33:4

Da Judah peopo goin grab All da stuffs dat you Assyria guys Wen rip off from odda peopo, Jalike wen da locust kine grasshoppa Come real quick an grab All da food from one field. Az how da peopo goin run All ova da place fo grab stuff, Jalike da locust kine grasshoppa inside da field.

Isaiah 47:6

I wen stay huhu wit my peopo. An make to my peopo Jalike dey no stay spesho fo me. I wen give my peopo to you Babylon guys, An you neva even give dem chance. You even make da ol peopo suffa plenny, An make dem carry one heavy load.

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Jeremiah 30:16

Still yet, erybody dat wipe you out, I goin wipe dem out too. Erybody dat stay agains you, Dey all goin come prisonas an go one far place. Erybody dat steal stuffs from you, I goin steal dea stuffs too.

Jeremiah 50:14

“Erybody dat know how fo use da bow an arrow, Make ready fo fight all aroun Babylon! Shoot arrows at dem! No hold back da arrows! Cuz da Babylon peopo Wen do bad kine stuff agains Da One In Charge.

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Jeremiah 50:37

Goin get war Agains da Babylon guys horses an war wagons, An agains all da army guys From odda countries dat stay wit dem. Dey goin come real sked an lose fight, jalike dey wahines. Goin get war Fo take away all dea rich kine stuff. Da army guys from anodda place goin rip um off.

Jeremiah 51:13

You guys dat live by da big rivas an watta ditches, You guys dat get plenny rich kine stuffs, Pau awready fo you guys! Time fo you guys get wipe out!

Jeremiah 51:24

Da One In Charge tell: “You goin see wat goin happen wen I pay back da Babylon peopo an erybody dat live ova dea fo all da bad kine stuff dey wen do inside Jerusalem town. An I goin do dat in front you Judah guys.”

Jeremiah 51:44

I goin punish Bel, da god fo da Babylon peopo. I goin make Bel bahf wat he wen swallow. Da peopo no goin go Babylon fo pray to Bel no moa, Jalike how was befo time. Da Babylon town wall goin fall down too.

Jeremiah 51:48

Den, da sky, da earth, an erybody inside um, Goin cheer plenny, Cuz dey stay good inside fo wat happen Babylon side. Cuz from da north side, Army guys goin attack Babylon.” Az wat Da One In Charge tell.

Jeremiah 51:8

Wen da Babylon peopo tink notting bad goin happen, Right den an dea dey goin fall down an come all bus up! Cry fo da Babylon peopo! Bring medicine cuz dey hurt! Maybe dey can come good.

Ezekiel 28:16

Cuz wen you trade wit peopo all ova da place, You start fo bus up peopo, an you do bad kine stuff! So me God, I take away yoa right fo stay on top da mountain dat stay spesho fo me. Da one dat stay alive an fly wit God fo guard you, he throw you out, Ova dea wea get da stones dat shine bright jalike get fire inside.

Ezekiel 39:10

Dey no need go out fo pick up wood from da fields, o cut trees wea eva get fores, cuz dey goin burn da stuffs dat peopo wen use fo fight fo cook food. Da Israel peopo goin rip off da peopo dat wen rip dem off befo time. Dey goin take away wat odda peopo wen take from dem. Az wat me Da One In Charge, da Boss, tell.

Amos 3:10

You betta lissen! Da One In Charge, he tell dis: “My peopo, dey donno notting how fo do da right ting! Dey pile up dea palaces wit stuffs dey get From peopo dey wen bus up.”

Obadiah 1:15

“Da time stay nea Fo me Da One In Charge take ova all da nations! Jalike you guys wen do to da Israel peopo, I goin do da same ting to you Edom guys!

Habakkuk 2:10

You wen make one plan dat goin make shame fo yoa ohana. You plan fo wipe out plenny peopos, But you ony goin jam up yoa life!

Habakkuk 2:17

You guys was wrong Da time you wen cut down da Lebanon trees! Now peopo goin cut down you guys. An cuz you guys wen wipe out da wild animals ova dea, You guys goin come real sked, jalike da animals was sked. Cuz you wen make peopo bleed an mahke, An wen wipe out lands an towns an erybody inside um.

Zekariah 1:15

But I stay real huhu wit da odda peopos dat tink notting bad goin happen to dem. Befo time I stay ony litto bit huhu, but dose guys wen make mo worse tings happen to my peopo.’

Zekariah 14:12

Da One In Charge goin wack all da peopos dat wen fight Jerusalem wit one real bad kine sick. Dea skin goin come rotten wen dey still yet stay stan on top dea feets. Dea eyes goin come rotten inside dea face, an dea tongue goin come rotten inside dea mout.

Jesus Show 6:10

Da peopo spirits talk loud, an tell, “Eh, you Da One In Charge! You get all da powa! You spesho, an you tell da trut! How long mo we gotta wait till you come fo judge all da peopo hea on top da earth an punish dem? Cuz dey wen kill all us guys!”