Habakkuk 2:20 - Hawaii Pidgin Bible

²⁰ But Da One In Charge, he stay inside da Temple dat stay spesho fo him. Shhh! Eryting on top da earth gotta stay quiet in front him.”

Habakkuk 2:20 ပူးပေါင်းရင်းမြစ်များ

Job 37:20

You tink somebody betta tell God dat I like talk to him, o wat? You tink anybody like dea head come all hamajang?

Songs 11:4

But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 115:3

Dis how stay wit oua God: He live inside da sky An he do wateva he like do.

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Isaiah 41:1

Da One In Charge tell: “No tell notting, jus lissen, You islan peopos! An all you peopos, try fo change Fo come mo strong. Try come ova hea by me, Den we talk. Good erybody come togedda by me, da Judge.

Isaiah 6:1

Da same year King Uzziah wen mahke, I wen see Da One In Charge a me stay sitting on top one throne, way up dea inside da sky, an looking real importan. An da bottom a his robe fill up da Temple.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Isaiah 66:6

Lissen up! Get plenny noise from da town, An from da Temple. Az da noise Da One In Charge stay make Wen he pay back da guys dat stay agains him!

Jonah 2:4

I figga lidis: ‘God, he wen throw me out! He make me go wea he no can see me! But still yet, I goin see one mo time Da Temple dass spesho fo God!’

Jonah 2:7

“Wen I feel jalike I goin stay alive ony litto bit moa, I tink plenny bout you cuz you Da One In Charge. I wen pray hard fo you help me Ova dea wea you stay Inside da Temple dass spesho fo you.

Micah 1:2

All you peopos, lissen dis! Erybody on top da earth, lissen good: Da One In Charge a me stay inside Da Temple dat stay spesho fo him, He poin finga you guys.

Habakkuk 3:1

Habakkuk, da guy dat talk fo God, pray wit music:

Zefaniah 1:7

“Shhh! No talk notting in front da Boss, Da One In Charge! Cuz pretty soon, da time goin come Wen Da One In Charge goin judge an punish erybody! Cuz Da One In Charge make ready fo kill da Judah an Jerusalem peopo, Jalike dey one sacrifice! Da One In Charge tell da nations Dat stay agains Judah fo come fo kill dem.

Zekariah 2:13

Quiet! All you peopo on top da earth, stay quiet in front Da One In Charge. Cuz he all ready fo come down hea from da place dat stay spesho fo him in da sky!