Habakkuk 2:18 - Hawaii Pidgin Bible

¹⁸ “Peopo carve tiki kine gods, But da idols no can do notting fo dem! One metal kine god ony can bulai! Da guy dat make um trus da ting he wen make! He make idol kine gods dat no can even talk.

Habakkuk 2:18 ပူးပေါင်းရင်းမြစ်များ

Songs 97:7

All da ones dat get Idol kine gods fo dea boss, Goin come shame! All da ones dat stay talk big Bout dea idol kine statues, Same ting! Eh, all you gods! Put yoa face on top da groun Fo show respeck fo da God dass fo real!

Isaiah 1:31

Even da strong guys Goin burn up jalike one dry leaf. Eryting dey wen work fo make, Goin come jalike one spark. All da stuff dey make, An da guys dat make um, Goin burn up same time, An no mo nobody can pio da fire.”

Isaiah 37:38

Laytas, one time wen Sennakerib go down fo pray inside da temple fo his god Nisrok inside Nineveh, his boys Adramalek an Sharezer take dea sword an kill him. Den dey run away to da Ararat land. Esarhaddon, Sennakerib odda boy, come da nex king fo da Assyria peopo.

Isaiah 40:19

Da One In Charge, He not one idol kine god! Fo make one idol, One guy melt metal fo make um. Den somebody put gold all ova on top um An melt silva fo make chain.

Isaiah 41:26

Wat god you tink wen tell bout dis From da time eryting wen start, Fo us guys know who him?! Da odda gods no can tell dis! Wat god talk bout um befo time Fo us tell, ‘Eh, dat one get um right!’ Da odda gods no can tell dis! Fo shua, nobody talk bout dis befo time. Nobody eva hear notting From all you gods, O from some odda guy.

Isaiah 42:17

But da peopo dat trus da idol kine gods An tell da metal statues, ‘You oua gods,’ Dey goin go back, dey no goin come by me! Dey goin come plenny shame!”

Isaiah 44:12

“Da guy dat work wit da iron, He take one tool an use um Fo shape da metal on top da hot charcoal. Den he use da hamma fo make da shape Wit his strong arm. But bumbye da guy come hungry An no stay strong no moa, he come weak. He no drink watta An litto mo pass out.

Isaiah 45:16

All da guys dat make idol kine gods, Dey goin get plenny shame. Dey goin all go way togedda, An nobody goin get respeck fo dem.

Isaiah 45:20

“Go come togedda, an come nea me, All you prisona guys From all da diffren countries. Da peopo dat carry dea idol kine gods hea an dea wit dem, Dat somebody wen make from wood, Dey donno notting! Dey pray to da kine gods Dat no can get dem outa trouble.

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Jeremiah 16:19

Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’

Jeremiah 2:8

Da pries guys neva aks, ‘Wea Da One In Charge stay?’ Da guys dat suppose to know da Rules fo shua, Dey donno me fo real kine. Da guys dat suppose to take kea da peopo, Dey like beef wit me. Da guys dat suppose to talk fo me, Dey talk fo da god Baal. Dey stay tight wit da idol kine gods Dass good fo notting.”

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Jeremiah 51:17

“Erybody dumb, an dey donno how fo tink. All da guys dat make stuff from gold Ony come shame cuz a da idols dey make. Da idol kine gods dey make, dey not fo real! Dey no can breave!

Daniel 5:23

You go ack jalike you mo importan den da God dat stay king inside da sky. You wen tell yoa guys fo go bring da fancy kine cups an bowls from da Temple fo dat God. Den you, yoa alii guys, yoa real wifes, an yoa odda wifes drink wine from um. An you talk good bout da silva, gold, bronze, iron, wood, an stone gods—no matta dey no can see, hear, o undastan notting. But you neva tell notting bout how awesome da God dat get da powa fo make you stay alive o fo kill you! He da One stay in charge a eryting you do!

Amos 2:4

You Judah peopo betta lissen too! Dis wat Da One In Charge tell: “Ova an ova, da Judah peopo wen go agains me. Az why no way I goin let um go an no punish dem! Cuz me, Da One In Charge, I wen give um da Rules, But dem, dey ack jalike da Rules no matta! Dey no like do wat I wen tell dem fo do. Jalike dea ancesta guys, Dey let da fake gods make um go da wrong way.

Jonah 2:8

Whoeva go down in front Da good fo notting idol kine gods, Dey no like stay tight wit you. An dey tell ‘Laytas!’ fo you stay tight wit dem.

Zekariah 10:2

Da small house kine idol gods Ony tell you tings dat no mean notting Wen you sad. Da kahuna guys dat like find out wass goin happen, See tings dat not true. Dey talk bout dreams dat bulai peopo. Dey try make da peopo feel good inside, but no can. Az why my peopo go all ova da place jalike da sheeps. Dey get hard time cuz dey no mo sheep guy fo take kea dem.

Rome 6:21

Wat good kine ting you guys wen get from all dat? Notting! You guys ony get plenny shame weneva you guys tink bout dat. Cuz wen you do bad kine stuff, az you da one get cut off from God cuz a dat.

1 Corint 12:2

You guys know awready, dat befo you guys wen come God peopo, someting wen make you guys erytime go da wrong way an follow da idol kine gods dat no can even talk, an you wen pray to dem.

Jesus Show 19:20

But da Guy on top da horse win agains da Wild Animal, an agains da guy dat tell he talk fo God but he bulai. Da Bulaia Guy do all kine awesome stuff fo show dat da Wild Animal get powa. Az how he bulai all da peopo dat get da Wild Animal mark on top dea forehead, an dat go down an pray to his statue. Den da Guy dat stay ride da horse throw da Wild Animal an da Bulaia Guy inside da lava lake dat stay burn wit sulfur.

Local Leadas 17:4

Den he give back da silva to his muddah. So she take bout five an one half poun silva, an give um to one guy dat know how fo make stuff wit silva, an he use um fo make one idol, da kine peopo carve, an anodda idol, da kine peopo melt metal fo make um. Dey put um inside Micah house.

1 Samuel 12:21

Mo betta hang in dea wit Da One In Charge. No go wit da idol kine gods cuz dey no mo notting inside! Dey no can do notting good fo you guys. Dey no can get you guys outa trouble cuz dey notting.