Habakkuk 2:17 - Hawaii Pidgin Bible

¹⁷ You guys was wrong Da time you wen cut down da Lebanon trees! Now peopo goin cut down you guys. An cuz you guys wen wipe out da wild animals ova dea, You guys goin come real sked, jalike da animals was sked. Cuz you wen make peopo bleed an mahke, An wen wipe out lands an towns an erybody inside um.

Habakkuk 2:17 ပူးပေါင်းရင်းမြစ်များ

Songs 137:8

You Babylon peopo, Garans you goin come all bus up. If somebody punish you Fo wat you wen make to us guys, Us like God make dem Stay good inside!

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Smart Guys 28:17

Wen one guy kill anodda guy, Goin bodda da killa guy, till he mahke. An no good, odda peopo try fo kokua him.

Jeremiah 50:14

“Erybody dat know how fo use da bow an arrow, Make ready fo fight all aroun Babylon! Shoot arrows at dem! No hold back da arrows! Cuz da Babylon peopo Wen do bad kine stuff agains Da One In Charge.

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Jeremiah 51:24

Da One In Charge tell: “You goin see wat goin happen wen I pay back da Babylon peopo an erybody dat live ova dea fo all da bad kine stuff dey wen do inside Jerusalem town. An I goin do dat in front you Judah guys.”

Ezekiel 28:16

Cuz wen you trade wit peopo all ova da place, You start fo bus up peopo, an you do bad kine stuff! So me God, I take away yoa right fo stay on top da mountain dat stay spesho fo me. Da one dat stay alive an fly wit God fo guard you, he throw you out, Ova dea wea get da stones dat shine bright jalike get fire inside.

Ezekiel 31:16

Wen da big tree fall down, da noise make all da peopos come sked. Dass how I make dem shake. I make da tree fall down inside da Mahke Peopo Place, jalike all da odda ones dat go down inside da Deep Dark Hole. Den all da trees inside Eden, da bestes ones inside Lebanon, all da ones dat drink plenny watta, dey feel mo good inside. Az cuz da big tree stay wit um down dea unda da groun.

Joel 3:19

But Egypt goin stay all wipe out. Edom goin stay ony boonies, all wipe out too. Cuz dey wen make any kine to da Judah peopo, An dey make peopo bleed an mahke Dat neva do notting wrong inside dea land.

Habakkuk 1:17

So, you goin let dem take ova all da peopo dey catch in dea nets, o wat?! Dey goin wipe out mo an mo peopos An no give um chance, o wat?!

Habakkuk 2:8

Cuz you guys wen rip off plenny nations, All da peopos dat still stay alive goin rip off you guys. Az cuz you guys wen make peopo bleed an mahke. An wen wipe out lands an towns an erybody inside um.

Zekariah 11:1

You Lebanon peopo, open yoa gates, Fo da fire burn up yoa cedar trees.