Habakkuk 2:16 - Hawaii Pidgin Bible

¹⁶ You da ones goin lose face! No way wat you do Goin make you guys look awesome! Now az time fo you guys suffa! So drink, an show erybody Dat you no mo da cut skin mark Dat da peopo a Da One In Charge get! Da One In Charge goin use his powa Fo make you drink from his cup. Dat mean you goin get plenny trouble! Befo time, you guys was awesome, but now you shame ony!

Habakkuk 2:16 ပူးပေါင်းရင်းမြစ်များ

Songs 75:8

Wen Da One In Charge come huhu, Jalike he holding one big wine cup Full a strong kine wine mix wit spice An bubble coming up. He goin make all da peopo Inside dis world Dat do bad kine stuff Drink da whole ting, Down to da junks in da bottom, Fo punish dem!

Smart Guys 3:35

Da peopo dat know wat fo do erytime, Dey goin get plenny respeck. But az diffren, fo da stupid guys wit attitude. Shame, dass all dey goin get.

Isaiah 20:4

So da king fo Assyria goin take da prisonas from Egypt an Sudan outa dea country naked an barefeet. No matta dey young o ol, dea okole an dea olos goin show, an dat goin make da Egypt peopo come shame.

Isaiah 47:3

Den erybody goin see you Babylon guys naked. You goin come shame. I goin pay you guys back. I no goin let nobody go.

Isaiah 49:26

I goin make da guys dat give you guys hard time Eat dea peopo. Dey goin come piloot Cuz dey drink dea blood jalike az was wine. Den da peopo from all ova da world goin know Dat me Da One In Charge, da One dat get you guys outa trouble. I pay da price fo do dat. I da Strong God, da One Jacob wen pray to.”

Jeremiah 25:15

Dis wat Da One In Charge, da God fo da Israel peopo, tell me: “Take dis cup from my hand. Da wine inside da cup, jalike stay dea fo show dat I no like wat da diffren peopos do. Wea eva I sen you, make dem drink dis wine.

Jeremiah 25:17

So I take da cup from Da One In Charge hand, an I make all dese nations drink um, ery place he sen me:

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Jeremiah 51:7

Da One In Charge wen use da Babylon peopo Fo punish da whole world! Jalike he stay give um one gold cup Fo make da whole world come piloot. Jalike all da peopos suck up da wine Dat da Babylon guys give um, Az why all da nations come pupule!

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Ezekiel 23:33

You goin drink plenny from da cup an come piloot. You goin come plenny sad. Goin be skery how you goin come wipe out wen God punish you! An no goin get notting aroun you, Jalike wat wen happen wit yoa sistah Samaria.

Hosea 4:7

Wen get mo plenny pries guys, Dey ony do mo plenny bad kine stuff agains me. Dey trade dea awesome kuleana fo shame kine stuff.

Hosea 7:5

“Wen oua king make one holiday party, An da prince guys come hot wit wine, Den dey make deals Wit guys dat ack jalike da prince guys junk.

Habakkuk 2:10

You wen make one plan dat goin make shame fo yoa ohana. You plan fo wipe out plenny peopos, But you ony goin jam up yoa life!

Habakkuk 2:15

“Bummahs, you guys dat make Da nations aroun you drink yoa wine! You make um come piloot, Fo show um how huhu you stay. Cuz you like look dea naked bodies!

Philippi 3:19

Dem guys, bumbye dey goin come wipe out. Dey ony live fo eat. Dey do shame kine stuff all da time, an dey talk real big wen dey make lidat. Dey da guys dat ony like tink bout da kine stuff from dis world.

Jesus Show 18:6

“Pay um back double! Dass jalike you make dem one drink inside dea cup, two times mo strong!